Enter your Email Address to subscribe to our newsletters
मस्कटनगरम्, 17 दिसंबरमासः (हि.स)। भारत–ओमान मुक्तव्यापारसन्धिः (एफटीए) वस्त्र, खाद्य-प्रसंस्करण, वाहन-उद्योग, रत्न–आभूषण, कृषि-रसायन, नवीकरणीय-ऊर्जा तथा ऑटो-घटक-निर्माणादिषु बहुषु क्षेत्रेषु महत्त्वपूर्णान् अवसरान् उद्घाटयिष्यति। उभयदेशयोः मध्ये सहस्राब्द्यात्मकान् प्राचीनान् सामुद्रिक-सम्बन्धान् स्मारयन्, लोथलादीनां बन्दरगाहानां माध्यमेन जातानाम् ऐतिहासिक-व्यापारिक-विनिमयानां उल्लेखोऽपि कृतः।
केन्द्रीय-वाणिज्य-उद्योग-मन्त्री पीयूष-गोयलः बुधवासरे मस्कट-नगरे आयोजिते भारत–ओमान व्यवसाय-मञ्चे स्व-उद्बोधने एतत् अवदत्। गोयलः ओमानस्य रणनीतिक-स्थितिं विशेषतः अधोरेखितवान्, यतः सा गल्फ-कोऑपरेशन-काउंसिल् (जीसीसी), पूर्वी-यूरोप, मध्य-एशिया तथा अफ्रीका-प्रदेशानां प्रवेश-द्वाररूपेण विद्यते, येन भारतीय-व्यवसायानां कृते उत्तमः बाजार-प्रवेशः सुलभो भवति। सः उभयदेशयोः मध्ये भवितव्यं मुक्त-व्यापार-समझौतं द्विपक्षीय-सम्बन्धानां विषये एकं महत्त्वपूर्णं सोपानम् इति वर्णितवान्। तेनोक्तं यत् एषः ओमानस्य कृते प्रायः द्विदशकानन्तरं प्रथमः एफटीए भविष्यति।
वाणिज्य-मन्त्रिणा युवृत्त-नेतृत्वित-विकासस्य उल्लेखं कृत्वा, भारतस्य “विकसित-भारत 2047” इति दृष्टेः तथा ओमानस्य “विजन 2040” इत्यस्य मध्ये सुसम्बद्धतायाः आवश्यकता प्रतिपादिता। तेन बलं दत्तं यत् उभयदेशयोः युवानां ऊर्जा तथा उद्यमशीलता-भावना दीर्घकालिक-आर्थिक-सहयोगाय दृढां आधारशिलां निर्माति। स्व-उद्बोधने सः भारत–ओमान-सहयोगाय चत्वारः प्रमुखाः क्षेत्राः निर्दिष्टवान्—ऊर्जा-परिवर्तनम् आधारभूतसंरचना खाद्यसुरक्षा तथा स्टार्टअप्—यत्र हरित-हाइड्रोजन, नवीकरणीय-ऊर्जा, बन्दरगाह-विकासः, कोल्ड-चेन तथा डीप्-टेक् क्षेत्रेषु सहभागी-प्रवर्धनं प्रस्तावितम् अस्ति, येन उभयदेशयोः युवानां तथा उद्यमशीलतायाः प्रोत्साहनं भविष्यति।
ओमानस्य वाणिज्य, उद्योग तथा निवेश-संवर्धन-मन्त्री कैस-अल्-यूसुफः स्व-उद्बोधने अवदत् यत् भारतं ओमानस्य तृतीयः महान् व्यापारिक-साझेदारः अभवत्। तेनोक्तं यत् ओमानः रणनीतिक-क्षेत्रेषु भारतीय-निवेशानां कृते एकं प्रमुखं गन्तव्यं भवति। 2020 तमे वर्षात् आरभ्य ओमानदेशे भारतीय-निवेशः त्रिगुणात् अधिकं वर्धित्वा 5 अब्ज-अमेरिकी-डॉलर-पर्यन्तं प्राप्तः अस्ति, यः हरित-इस्पात, हरित-अमोनिया, एल्युमिनियम-निर्माण तथा लॉजिस्टिक्स् इत्यादिषु क्षेत्रेषु विस्तृतः अस्ति। तेन बलं दत्तं यत् एते निवेशाः ओमानदेशे दीर्घकालिक-परिचालन-आधाररूपेण भारतस्य दृढ-विश्वासं प्रकटयन्ति।
भारत–ओमानयोः मध्ये गुरुवासरे मस्कट-नगरे मुक्त-व्यापार-सन्धेः हस्ताक्षराः भविष्यन्तीति अपेक्षा अस्ति। उभयदेशयोः आर्थिक-सम्बन्धानां संवर्धनार्थं एषः सन्धिः कर्तुं प्रस्तावितः। एतस्मिन् अवसरं प्रधानमंत्री नरेन्द्रमोदिमहोदयस्य उपस्थितौ हस्ताक्षराः भविष्यन्ति, ये ओमानदेशं सम्प्रति प्राप्तवन्तः सन्ति।
---------------
हिन्दुस्थान समाचार / अंशु गुप्ता