Enter your Email Address to subscribe to our newsletters
रांची, 17 दिसंबरमासः (हि.स.)।
बिरलाप्रौद्योगिकीसंस्थाने (बीआईटी) मेसरानगरे जटिलप्रणालीनां सिमुलेशनस्य कला विज्ञानं च इति विषयकः त्रिदिवसीयम् अन्ताराष्ट्रियं सम्मेलनं बुधवासरे शुभारम्भितः। अयं सम्मेलनः सप्तदशात् उन्नविंशत् दिसम्बरपर्यन्तं आयोजितः अस्ति, यस्मिन् देशविदेशेभ्यः आगताः वैज्ञानिकाः शिक्षाविदः शोधकर्तारः च सहभागं कुर्वन्ति।
सम्मेलनस्य उद्घाटनं बीआईटी मेसराया कुलपतिः प्रो इन्द्रनीलमन्ना कृतवान्। अस्मिन् अवसरॆ सः अवदत् यत् विज्ञानस्य अभियांत्रिकीस्य च विविधेषु क्षेत्रेषु जटिलसमस्यानां समाधानाय सिमुलेशन तथा मॉडलिङ्ग् तन्त्राणि अद्य अत्यन्तं महत्त्वपूर्णानि अभवन्। सः नवयुवकशोधकर्तॄन् अन्तर्विषयकं अनुसन्धानं स्वीकर्तुं नवाचाराय च प्रेरितवान्।
सम्मेलनस्य मुख्यातिथिः प्रो ए पी दिमरी जलवायुविज्ञानादिषु अन्येषु क्षेत्रेषु सिमुलेशनतन्त्राणां भूमिकां प्रकाशयन् अवदत् यत् वैश्विकस्तरीयचुनौतिभ्यः प्रतिकारार्थं सहयोगात्मकं बहुविषयकं अनुसन्धानं अत्यावश्यकं वर्तते। वक्तारः सम्मेलनकाले आमन्त्रितव्याख्यानैः तकनीकीसत्रैः शोधपत्रप्रस्तुतिभिः च वैज्ञानिकानुसन्धानाय अकादमिकसंवादाय च नूतनां दिशां प्राप्स्यते इति आशां व्यक्तवन्तः।
उद्घाटनसत्रस्य अध्यक्षतां भौतिकीविभागस्य विभागाध्यक्षः डॉ राजीवकुमारः अकरोत्। अस्मिन् अवसरे विशिष्टातिथिः डॉ राजेशकुमारमालः तथा प्रो राजीवभाटला सहिताः अन्ये बहवः गणमान्याः उपस्थिताः आसन्।
---------------
हिन्दुस्थान समाचार