Enter your Email Address to subscribe to our newsletters
रांची, 17 दिसंबरमासः (हि.स.)। राष्ट्रपतिः द्रौपदी मुर्मुः अष्टाविंशतितमे दिसम्बरमासे आरभ्य त्रिदिवसीययात्रां कर्तुं झारखण्डराज्यम् आगमिष्यति। सा अष्टाविंशतितमे दिसम्बरमासे राञ्चीं प्राप्स्यति, आगमनानन्तरं च राञ्चीस्थिते लोकभवने रात्रौ विश्रामं करिष्यति।
राष्ट्रपतिः एकोनत्रिंशत्तमे दिसम्बरमासे जमशेदपुरनगरं गमिष्यति, यत्र सा एनआइटी जमशेदपुरस्य दीक्षान्तसमारोहस्य कार्यक्रमे भागं ग्रहीष्यति। तदनन्तरं सा ओलचिकी लिप्याः शतवर्षपूर्णतायाः अवसरं निमित्तीकृत्य आयोजिते कार्यक्रमे अपि सहभागिनी भविष्यति। अस्मिन् कार्यक्रमे आदिवासीसंस्कृतेः भाषायाश्च समृद्धा परम्परा विशेषेण रेखाङ्किता भविष्यति। जमशेदपुरात् प्रत्यागत्य राष्ट्रपतिः पुनः राञ्चीं आगत्य लोकभवने रात्रौ विश्रामं करिष्यति।
राष्ट्रपतिः त्रिंशत्तमे दिसम्बरमासे गुम्लाजिलायाः रायडीहनाम्नि स्थाने आयोजिते जनसांस्कृतिकसमागमे मुख्यातिथिरूपेण सहभागी भविष्यति।
उल्लेखनीयं यत् राष्ट्रपतिः द्रौपदी मुर्मुः अष्टाविंशतितमे एकोनत्रिंशत्तमे च दिसम्बरमासे राञ्चीस्थिते लोकभवने रात्रिविश्रामं करिष्यति।-------------
हिन्दुस्थान समाचार