Enter your Email Address to subscribe to our newsletters
अयोध्या, 17 दिसंबरमासः (हि.स.)। रामनगऱ्याम् अयोध्यायाम् आगामिनोः 20 21 दिसम्बर दिनाङ्कयोः विधायकक्रीडाप्रतियोगिता आयोजिता भविष्यति। सर्किटहाउसे आयोजितायां पत्रकारवार्तायां अयोध्यासदरविधानसभाक्षेत्रस्य विधायकः वेदप्रकाशगुप्तः बुधवासरे अवदत् यत् विधानसभाक्षेत्रस्तरीया विधायकक्रीडाप्रतियोगिता आगामि 20 तथा 21 दिसम्बरदिनाङ्कयोः डाभासेमरक्रीडाङ्गणे आयोजिता भविष्यति।
अस्यां प्रतियोगितायां कनिष्ठ उपकनिष्ठ वरिष्ठ इति वर्गेषु महिला पुरुषयोः मध्ये विविधाः क्रीडास्पर्धाः आयोजिताः भविष्यन्ति। तासु वॉलीबॉल् बैडमिण्टन् कुश्ती कबड्डी तथा एथलेटिक्सस्य ट्रैक् फील्ड् स्पर्धाश्च समाविष्टाः स्युः।
विधायकः वेदप्रकाशगुप्तः अवदत् यत् प्रतियोगितायाः कृते आनलाइनपञ्जीकरणस्य सुविधा उपलब्धा कृता अस्ति। एतद्वारा अद्यावधि प्रायः सहस्रं क्रीडकाश्च आवेदनं कृतवन्तः। ये क्रीडकाश्च केनचित् कारणेन आनलाइनपञ्जीकरणं कर्तुं न शक्ताः भविष्यन्ति, ते आयोजनस्थले अपि स्वपञ्जीकरणं कर्तुं शक्नुवन्ति, येन कोऽपि इच्छुकः क्रीडकः अवसरात् वञ्चितः न भवेत्।
प्रतियोगितायां विजयीभूताः क्रीडकाः समुचितैः पुरस्कारैः सम्मानिताः भविष्यन्ति।
हिन्दुस्थान समाचार