नोएडा, 18 दिसंबरमासः (हि.स.)।

नोएडानगरे चतुर्मासेषु चतुर्विंशतिसहस्राधिकाः युवानः रोजगारं प्राप्तवन्तः। पुनः रोजगारं प्राप्तवन्तां जनानां संख्या तु ९८,२११ अस्ति। एतेषां सर्वेषां कर्मचारीभविष्यनिधिसङ्गठने (ईपीएफओ) पञ्जीकरणं कृतम्। प्रथमवारं रोजगारं प्राप्तवद्भ्यः युवभ्यः प्रधानमन्त्री विकसित भारत रोजगारयोजनाया अन्तर्गतं १५,००० रूप्यकाणां प्रोत्साहनराशिः प्रदास्यते।

ईपीएफओनुसारं एषा योजना १ अगस्त २०२५ तः प्रवृत्ता अस्ति, तथा १ अगस्त २०२५ तः ३१ जुलाई २०२७ पर्यन्तं सृजितेषु रोजगारवसरेषु अस्य लाभः प्रदीयते। अस्याः योजनायाः लक्ष्यं द्विवर्षेषु देशे ३.५ कोट्यधिकानां रोजगाराणां सृजनम् अस्ति। अस्याः अन्तर्गतं युवभ्यः प्रथमरोज़गारे १५,००० रूप्यकाणि, तथा संस्थाभ्यः प्रति नूतनकर्मचारिणं ३,००० रूप्यकाणां प्रोत्साहनराशिः प्रदास्यते।

भविष्यनिधिआयुक्तः (प्रथम) सुयश पाण्डेयः अद्य अवदत् यत् अस्मिन् वर्षे १ अगस्ततः नोएडानगरे ८१७ संस्थासु २४,३५८ जनाः प्रथमवारं रोजगारं प्राप्तवन्तः। तथैव पुनः कार्ये प्रविष्टानां जनानां संख्या ९८,२११ अस्ति। एषा संख्या भविष्ये अधिका भविष्यतीति सः अवदत्।

अस्यां योजनायां रोजगारस्य नूतनावसरानां सृजनाय युवभ्यः द्वौ किस्तौ रूपेण १५,००० रूप्यकाणि पर्यन्तं, तथा संस्थाभ्यः प्रति नूतनकर्मचारिणं प्रतिमासं ३,००० रूप्यकाणि पर्यन्तं प्रोत्साहनं प्रदीयते। मासिकवेतनं १,००,००० रूप्यकाणां पर्यन्तं येषां कर्मचाऱिणां अस्ति, ते एव अस्याः योजनायाः लाभं प्राप्स्यन्ति।

अस्याः योजनायाः उद्देश्यं १ अगस्ततः अस्मिन् वर्षे विनिर्माणक्षेत्रे विशेषं बलं दत्त्वा सर्वेषु क्षेत्रेषु रोजगारसृजनं, रोजगारक्षमतावर्धनं तथा सामाजिकसुरक्षायाः प्रवर्धनं च अस्ति। संस्थाः www.pmvbry.epfindia.gov.in अथवा www.pmvbry.labour.gov.in इति जालस्थलेषु एकवारपञ्जीकरणप्रक्रियां पूर्णां कर्तुं शक्नुवन्ति। अत्र विनिर्माणक्षेत्रे विशेषः अवधानः दत्तः अस्ति।

कर्मचारीभविष्यनिधिसङ्गठनानुसारं प्रथमाकिस्तिः षण्मासीयसेवापूर्तेः अनन्तरं प्रदास्यते, द्वितीयाकिस्तिः तु द्वादशमासीयसेवापूर्तेः तथा वित्तीयसाक्षरताकार्यक्रमस्य समाप्तेः अनन्तरं प्रदास्यते। एषा राशि आधारसंलग्नप्रत्यक्षलाभहस्तान्तरणेन बैंककोषे प्रेष्यते।

फेस्–टू स्थितायां वस्त्रनिर्माणसंस्थायां अद्यतननियुक्तः रविः अवदत् यत् रोजगारप्राप्त्या तथा प्रधानमन्त्री विकसित भारत रोजगारयोजनायाः अन्तर्गतं १५,००० रूप्यकाणां प्राप्त्या महती सहायता भविष्यति। सः उक्तवान् यत् तां राशिं सः स्थिरनिक्षेपरूपेण स्थापयिष्यति। सेक्टर–५८ स्थितायां एकस्मिन् कारखाने नियुक्तः विष्णुः अवदत् यत् अस्यां योजनायां प्रोत्साहनराशिः द्वाभ्यां किस्ताभ्यां यद्यपि लभ्यते, तथापि सा अत्यन्तं सहायकाऽस्ति। एतादृश्याः योजनाः जीविकाजीवने उत्साहवर्धकाः भवन्ति।

--------------

हिन्दुस्थान समाचार