Enter your Email Address to subscribe to our newsletters
नवदिल्ली, 18 दिसंबरमासः (हि.स.)।भारतीय दूरसञ्चार नियामक प्राधिकरणेन (ट्राई) नवम्बर मासे गुजरातराज्यस्य सूरत् नगरस्य तथा तस्य समीपवर्ती प्रदेशानां मोबाइल् नेटवर्क् सेवागुणवत्तां विषये कृतस्य स्वतंत्र ड्राइव् परीक्षणस्य (आईडीटी) प्रतिवेदनं प्रकाशितम्। प्रतिवेदनानुसारं वॉयस् तथा डेटा सेवयोः कार्यप्रदर्शने रिलायन्स् जियो तथा एयरटेल् इत्येतयोः प्रदर्शनं श्रेष्ठं आसीत्, किन्तु पञ्चजी तथा चतुर्जी डेटा वेगस्य विषयेषु जियो सर्वाधिकं अग्रे आसीत्।
केन्द्रीय सञ्चार मन्त्रालयस्य कथनानुसारं द्विजी तथा त्रिजी वॉयस् सेवासु कॉल् सफलतादरस्य विषयेषु रिलायन्स् जियो तथा वोडाफोन् आइडिया (वीआई) इत्येतयोः शतप्रतिशतं प्रदर्शनं आसीत्, यदा तु एयरटेलस्य कॉल् सफलतादरः ९९.५५ प्रतिशतः तथा बीएसएनएलस्य ९२.८२ प्रतिशतः आसीत्। ड्रॉप् कॉल् दरः एयरटेल् तथा वोडाफोन् आइडिया इत्येतयोः शून्यः आसीत्, जियो मध्ये ०.१५ प्रतिशतः तथा बीएसएनएल मध्ये ४.१० प्रतिशतः ड्रॉप् कॉल् अभिलेखिताः अभवन्। कॉल् गुणवत्तायाः मानके मीन् ओपिनियन् स्कोर् (एमओएस) इत्यस्मिन् वोडाफोन् आइडिया ४.४८ अङ्कैः सह सर्वश्रेष्ठं स्थानं प्राप्तवान्।
डेटा सेवायाः स्वयंचयन विधौ (पञ्चजी चतुर्जी त्रिजी द्विजी) औसत डाउनलोड् वेगस्य विषयेषु रिलायन्स् जियो २७९.३६ एमबीपीएस वेगेन प्रथमं स्थानं प्राप्तवान्। एयरटेलस्य औसत डाउनलोड् वेगः १४९.११ एमबीपीएस आसीत्, वोडाफोन् आइडिया ४५.०२ एमबीपीएस तथा बीएसएनएल ४.८३ एमबीपीएस इति अभिलेखितम्। अपलोड् वेगस्य विषयेषु अपि जियो ४६.५४ एमबीपीएस वेगेन अग्रे आसीत्। लेटेन्सी विषयेषु वोडाफोन् आइडिया तथा जियो इत्येतयोः प्रदर्शनं अन्येषां कम्पनीनां तुलनया श्रेष्ठम् आसीत्।
ट्राई संस्थायाः जयपुर क्षेत्रीय कार्यालयेन नियुक्तया एजेन्स्या नवम्बर मासस्य ३ तः ७ दिनाङ्कपर्यन्तं गुजरात लाइसेन्स् क्षेत्रेषु (एलएसए) एषः ड्राइव् परीक्षणः कृतः। अस्मिन् परीक्षणे ४१२ किलोमीटर् नगर भ्रमणम्, १४ हॉटस्पॉट् स्थानानि तथा २ किलोमीटर् पादयात्रा परीक्षणं च कृतम्। परीक्षणकाले सूरत् नगरस्य प्रमुखेषु वाणिज्यिकेषु तथा आवासीयेषु क्षेत्रेषु सहितं डायमण्ड् नगरम्, उधना, भेस्तान, सचिन, पाण्डेसरा, वेसु, अडाजन, रांदेर, कतारगाम्, मोटा वराछा, न्यू सिटी लाइट् तथा पार्ले पॉइण्ट् इत्यादि क्षेत्राणि आवृतानि।
---------------
हिन्दुस्थान समाचार