Enter your Email Address to subscribe to our newsletters
अयोध्याम्, 18 दिसम्बरमासः (हि.स.)। एस्–आई–आर् विषयं प्रति अयोध्याजनपदे भारतीयजनतापक्षस्य सिविल–लाइन–कार्यालये गुरुवासरे जनपदध्यक्षस्य संजीव–सिंहस्य अध्यक्षतया गोष्ठीऽभवत्। अस्यां गोष्ठ्यां जनपद–महामन्त्री राघवेन्द्र–पाण्डेयेन सह मण्डलाध्यक्षैः वरिष्ठैश्च पदाधिकारिभिः सक्रियं सहभागित्वं कृतम्। गोष्ठ्यां भारतनिर्वाचनायोगेन सञ्चालितस्य विशेष–प्रगाढ–पुनरीक्षण–अभियानस्य प्रगतिः विस्तरेण समीक्षिता।
जनपदाध्यक्षः संजीव–सिंहः अभियानं लोकतन्त्रस्य सुदृढीकरणेन संयोजयन् अवदत् यत् प्रत्येकस्य पात्रनागरिकस्य नाम मतदाता–सूच्यां निबद्धं भवितुम् अनिवार्यम्। सः पदाधिकारिणः निर्देशितवान् यत् बूथ–स्तरपर्यन्तं अभियानस्य निरीक्षणं सुनिश्चितं क्रियताम् तथा कस्यापि पात्रमतदातुः नाम न परित्यज्यताम्। युवानां, महिलानां, दिव्याङ्गानां च विशेषतया संयोजनाय सः बलं दत्तवान्।
महामन्त्री राघवेन्द्र–पाण्डेयः अभियानस्य अद्यावधि स्थितिं निवेदयन् अवदत् यत् पक्षकार्यकर्तारः गृहं–गृहं सम्पर्कं कृत्वा मतदाता–सूच्याः सत्यापने सक्रियां भूमिकां वहन्ति। सः अवदत् यत् मृतमतदातॄणां नामनिर्हरणं, स्थानान्तरित–मतदातॄणां नामसंशोधनं, नवमतदातॄणां पञ्जीकरणं च इत्यादीनि कार्याणि प्राथमिकतया सम्पन्नीकृतानि क्रियन्ते।
गोष्ठ्यां मण्डलाध्यक्षैः स्वस्व–क्षेत्राणां विवरणं प्रस्तुतं कृतम् तथा भूमिस्तरे आगतानाम् आह्वानानां विषये अवगतं कृतम्। अस्मिन् प्रसङ्गे जनपदाध्यक्षः आवश्यकान् दिशानिर्देशान् दत्त्वा समन्वयेन सह कार्यं कर्तुम् उक्तवान्। गोष्ठ्यां निर्णयः अपि कृतः यत् अभियानस्य सफलतायै नियमिताः समीक्षा-गोष्ठी आयोजयिष्यन्ते तथा प्रत्येकस्मिन् मतदांकेन्द्रे दायित्वनिर्धारणेन समयबद्धलक्ष्यं प्राप्यते।
अस्यां गोष्ठ्यां कमलाशंकरपाण्डेयः, अशोककसौन्धनः, राधेश्यामत्यागी, मनोजवर्मा, अरुणतिवारी, धर्मराजवर्मा, अमरनाथवर्मा, धर्मसिंहचौहानः, अजयसिंहः, विजयचौरसिया, श्यामनारायणपाठकः इत्यादयः अन्ये च पदाधिकारिणः उपस्थिताः आसन्।
हिन्दुस्थान समाचार / Dheeraj Maithani