Enter your Email Address to subscribe to our newsletters
प्रतिमासं सिलिकॉन वेफर्सप्रणाल्याः महता प्रमाणेन चिप-उत्पादनं संभवम्
-डिस्प्ले ड्राइवर चिप्सद्वारा मोबाइल, ऑटो इलेक्ट्रॉनिक्स सेक्टर इत्येभ्यः लप्स्यते बलम्
-ग्राउंड ब्रेकिंग समारोहोत्तरं परियोजनया तीव्रतयारत्स्यते कार्यम्
लखनऊ, 18 दिसम्बरमासः (हि.स.)।
भारतस्य सेमीकण्डक्टर मिशननिमित्तम् उत्तरप्रदेशे नूतना गतिर्दिशा च लभ्यते। मुख्यमन्त्री योगिनःआदित्यनाथस्य नेतृत्वे प्रदेशसर्वकारः आत्मनिर्भरां तथा तकनीकाधारिताम् अर्थव्यवस्थां निर्मातुं यः दृष्टिकोणः अग्रे नयति, तस्य सशक्तं प्रतिरूपं एचसीएल तथा फॉक्सकॉनयोः संयुक्ता ओसैट यूनिट् रूपेण धरातले अवतरिष्यति।
अस्याः परियोजनायाः प्रमुखा विशेषता प्रति मासं विंशतिसहस्र वेफर् उत्पादनक्षमता अस्ति। एषा एव क्षमता अस्याः परियोजनायाः राष्ट्रस्तरे रणनीतिकं महत्त्वं ददाति तथा भारतस्य सेमीकण्डक्टर आत्मनिर्भरता दिशायाम् एतत् एकं महत्त्वपूर्णं पादं करोति। अधिकारिणां कथनानुसारं जनवरीमासस्य मध्यभागे ग्राउण्ड ब्रेकिंग सेरिमनी सम्भाव्यते, ततः परं परियोजनायां तीव्रगत्या कार्यं आरभ्यते।
मुख्यमन्त्री योगी आदित्यनाथः निरन्तरं वदति यत् उत्तरप्रदेशं निवेशार्थं सर्वाधिकं विश्वसनीयं राज्यं कर्तुं सरकारस्य प्राथमिकता अस्ति। उत्तमकानूनव्यवस्था, सुदृढं आधारभूत संरचनं तथा निवेशानुकूलाः नीतयः इत्येषां परिणामस्वरूपं एचसीएल तथा फॉक्सकॉन सदृशाः वैश्विककम्पन्यः राज्ये निवेशाय अग्रे आगताः सन्ति। अस्याः साझेदारीया न केवलं तकनीकी विशेषज्ञता आगमिष्यति, अपि तु सेमीकण्डक्टर कौशलविकासः अपि प्रोत्साहितः भविष्यति।
एषा परियोजना केवलं औद्योगिकनिवेशः नास्ति, अपि तु उत्तरप्रदेशं भविष्यस्य वैश्विकतन्त्रज्ञानया सह योजयन्ती रणनीतिका पहल अस्ति। एचसीएल समूहस्य अध्यक्षा रोशनी नादर मल्होत्रा अवदत् यत् केन्द्रसरकारस्य अनुमोदनानन्तरं यमुना एक्सप्रेसवे औद्योगिक विकास प्राधिकरण क्षेत्रे जेवर विमानपत्तनस्य समीपे एषा इकाई स्थाप्यते। प्रायः त्रिसहस्रसप्तशतषट्कोटिरूप्यकनिवेशेन निर्मीयमाणा एषा यूनिट् उत्तरप्रदेशस्य प्रथमं सेमीकण्डक्टरसमारोहस्तथा टेस्टिंग केन्द्रं भविष्यति।
अस्मिन् संयन्त्रे प्रतिमासं विंशतिसहस्र सिलिकॉन वेफर् प्रोसेसिंग क्रियते, येभ्यः विशालप्रमाणे सेमीकण्डक्टर चिप्स निर्मीयन्ते। सेमीकण्डक्टर उद्योगे वेफर् चिपनिर्माणस्य आधारशिला इति मन्यते। एकस्मात् वेफरात् चिपस्य आकारानुसारं तथा तकनीकानुसारं शतानि सहस्राणि वा माइक्रोचिप्स निर्मीयन्ते। अतः प्रतिमासं विंशतिसहस्र वेफर् क्षमता इत्यस्य अर्थः अस्ति यत् एषा यूनिट् प्रतिमासं लक्षशः कोटिशः वा चिपनिर्माणसम्बद्धाः प्रक्रियाः सम्पन्नयितुं समर्था भविष्यति।
एषा उत्पादनक्षमता भारतस्य डिस्प्ले ड्राइवर चिप्स विषये वर्धमानायाः घरेलूमागस्य पूर्तौ निर्णायकं योगदानं करिष्यति। अस्मिन् संयन्त्रे मुख्यतया डिस्प्ले ड्राइवर चिप्स निर्मीयन्ते, येषां उपयोगः मोबाइलफोन, लैपटॉप, व्यक्तिगतसङ्गणक, वाहन तथा अन्येषु इलेक्ट्रॉनिक उपकरणेषु भवति। वर्तमानकाले भारतः एतेषां चिप्स कृते विशालप्रमाणे आयातपरनिर्भरः अस्ति। विंशतिसहस्र वेफर् नियमितप्रोसेसिंगेन घरेलू आपूर्तिशृंखला सुदृढा भविष्यति तथा आयातनिर्भरता महदंशेन न्यूनं भविष्यति इति पूर्णा सम्भावना अस्ति।
एचसीएल समूहस्य तथा फॉक्सकॉनस्य एषा साझेदारी तकनीकीसामर्थ्यस्य तथा वैश्विकानुभवस्य संगमः इति मन्यते। अनेन सेमीकण्डक्टर कौशलविकासे अपि विशेषः ध्यानं दीयते, येन एतादृशीं उच्चक्षमतां सञ्चालयितुं कुशलं मानवरसाधनं सज्जं भविष्यति। सेमीकण्डक्टर क्षेत्रस्य विशेषज्ञानां मतानुसारं प्रतिमासं विंशतिसहस्र वेफर् क्षमता उत्तरप्रदेशं सेमीकण्डक्टर वैल्यू चेनमध्ये सुदृढं स्थानं दास्यति तथा भारतं वैश्विकचिपनिर्माणमानचित्रे एकं पदं अग्रे नयिष्यति।
हिन्दुस्थान समाचार