Enter your Email Address to subscribe to our newsletters
उरई, 18 दिसंबरमासः (हि.स.)।
जिलाधिकारी राजेश कुमार पाण्डेयः रात्रौ विलम्बितकाले शीतलहरायाः तथा शैत्यस्य दृष्ट्या प्रशासनिकाधिकारिभिः सह जनपदे सञ्चालितानां रेनबसेराणां तथा अलावव्यवस्थायाः निरीक्षणं कृतवान्। निरीक्षणकाले सः उरई रेल्वेस्थानकम्, जिलाचिकित्सालयपरिसरं तथा जनपदस्य प्रमुखचतुष्पथान् गत्वा शीतनिवारणव्यवस्थानां स्थितिं अवलोकितवान्।
जिलाधिकारी अधिकारिणः निर्देशितवान् यत् पथिकाश्रयाणाम् अन्तर्गतं स्वच्छता, प्रकाशव्यवस्था, उष्णजलव्यवस्था तथा अन्याः मूलभूतसुविधाः सम्यक् रूपेण सुनिश्चिताः क्रियन्ताम्, येन आवश्यकतावन्तः कस्यापि प्रकारस्य कष्टस्य अनुभवं न कुर्वन्तु। निरीक्षणसमये सः मुख्यमंत्री योगी आदित्यनाथस्य शासननिर्देशानुसारं आवश्यकतावन्तेभ्यः, निराश्रयेभ्यः तथा पथिकेभ्यः कम्बलान् वितरितवान्।
सः अवदत् यत् शीतकाले कश्चन अपि व्यक्तिः उद्घटिताकाशस्य अधः रात्रिं यापयितुं विवशः न भवेत्, एषा एव प्रशासनस्य प्रमुखा जिम्मेदारी अस्ति। सहैव अलावव्यवस्थायाः नियमितपरिपालनं तथा निरन्तरनिगराणीं सुनिश्चितं कर्तुं अपि निर्देशाः दत्ताः।
अस्मिन् अवसरॆ जिलाधिकारीणः सह अपरजिलाधिकारी जालौन, संयुक्तमजिस्ट्रेट्, सदरतहसीलदारः उरई तथा अन्ये अधिकारिणः कर्मचारिणः च उपस्थिताः आसन्।
---------------
हिन्दुस्थान समाचार