Enter your Email Address to subscribe to our newsletters
नव दिल्ली, 19 दिसंबरमासः (हि.स.)।
पारम्परिकचिकित्साविषये भारतमण्डपमे गतत्रिदिनपर्यन्तं विश्वस्वास्थ्यसङ्गठनस्य आयुषमन्त्रालयस्य च संयुक्तया आयोजितस्य द्वितीयस्य वैश्विकशिखरसम्मेलनस्य समापनसमारोहे घोषणापत्रं प्रकाशितम्। अस्मिन् घोषणापत्रे पारम्परिकचिकित्सायां अनुसन्धानकार्येषु विशेषः बलं दत्तम् अस्ति।
घोषणापत्रानुसारं पारम्परिकचिकित्साविषये अनुसन्धानं प्रवर्धयिष्यते, यतः अद्यावधि अस्मिन् क्षेत्रे अल्पं वित्तव्ययं भवति। तदनन्तरं चिकित्सायाः सुरक्षितत्वं प्रभावकारित्वं च सुनिश्चितुं नियमाः निरीक्षणव्यवस्था च सुदृढीकरिष्यन्ते।
पारम्परिकचिकित्सा प्राथमिकस्वास्थ्यसेवाभिः सह संयोजयिष्यते, येन सामान्यजनाः तस्य लाभं प्राप्नुयुः। चिकित्सासम्बद्धानि प्रदत्तानि अभिलेखाः सूचनाः च उत्तमरीत्या सङ्ग्रहीष्यन्ते। स्वदेशीयानां स्थानीयसमुदायानां च भूमिकाः महत्त्वपूर्णाः मन्यन्ते, तेषां ज्ञानस्य सम्मानं च क्रियते।
शिखरसम्मेलने एतदपि कथितं यत् पारम्परिकचिकित्सा केवलं चिकित्सापद्धतिः नास्ति, अपि तु सा एका सामूहिका सांस्कृतिकविरासत् अस्ति, या जनानां पर्यावरणस्य च स्वास्थ्याय आवश्यकी भवति। अस्य घोषणया सह विश्वस्वास्थ्यसङ्गठनं सदस्यदेशैः सह मिलित्वा पारम्परिकचिकित्सां वैश्विकस्वास्थ्यव्यवस्थायाः सुदृढं अङ्गं कर्तुं संकल्पं कृतवान्।
उल्लेखनीयं यत् १७ तः १९ दिसम्बर २०२५ पर्यन्तं विश्वस्वास्थ्यसङ्गठनं भारतसरकारा च संयुक्तया पारम्परिकचिकित्साविषये द्वितीयं वैश्विकशिखरसम्मेलनं आयोजितवन्तौ। अस्मिन् सम्मेलने शताधिकदेशानां मन्त्रीणः अधिकारीणः वैज्ञानिकाः चिकित्सकाः अनुसन्धानकर्तारः पारम्परिकचिकित्सासम्बद्धाः जनाः च भागं गृहीतवन्तः।
शिखरसम्मेलनस्य मुख्योद्देश्यं पारम्परिकचिकित्सां वैज्ञानिकाधारेण सुदृढीकर्तुं तथा च तां सुरक्षितरीत्या जनसामान्यपर्यन्तं प्रापयितुं आसीत्। अस्मिन् आयुर्वेदयूनानीसिद्धहोम्योपैथी अन्यासु च पारम्परिकचिकित्सापद्धतिषु विस्तृता चर्चा अभवत्।
---------------
हिन्दुस्थान समाचार