हैदराबादम्/नवदेहली, १९ दिसम्बरमासः (हि.स.)। राष्ट्रपतिः द्रौपदी मुर्मुः अवदत् यत् लोकसेवायोगाः केवलं अवसरसमत्वस्य संवैधानिकआदर्शे एव सीमिताः न स्युः, अपि तु परिणामसमत्वस्य लक्ष्यं अपि साधयितुं प्रयतन्ताम्। लोकसेवायोगाः समत्वं न्यायं च प्रवर्धयन्तः परिवर्तनस्य वाहकाः सन्ति, तथा च देशस्य शासनव्यवस्थायां तेषां भूमिका अत्यन्तं महत्त्वपूर्णा अस्ति। राष्ट्रपतिः द्रौपदी मुर्मुः शुक्रवारे हैदराबादनगरे लोकसेवायोगानां अध्यक्षाणां राष्ट्रियसम्मेलनस्य उद्घाटनावसरे एतत् अवदत्। एषः सम्मेलनः तेलङ्गानालोकसेवायोगेन आयोजितः आसीत्।

राष्ट्रपतिः अस्मिन् अवसरे अवदत् यत् संविधाननिर्मातारः सेवाभ्यः लोकसेवायोगेभ्यश्च संविधानस्य एकं सम्पूर्णं भागं समर्पितवन्तः, येन एतेषां संस्थानां महत्त्वं स्पष्टं भवति। सामाजिकर्थिकराजनीतिकयायः, सार्वजनिकरोजगारे अवसरसमत्वं च सम्बन्धिनः संवैधानिकप्रावधानाः लोकसेवायोगानां कार्यदिशां निर्धारयन्ति।

सा अवदत् यत् लोकसेवायोगैः चयनिता स्थायी कार्यपालिका शासनव्यवस्थायै निष्पक्षतां, निरन्तरतां स्थैर्यं च प्रददाति। अतः नागरिकसेवकानां आर्जवा, सत्यनिष्ठा, संवेदनशीलता, दक्षता च अत्यावश्यकाः सन्ति। अभ्यर्थिनां नियुक्तौ आर्जवसत्यनिष्ठयोः सर्वोच्चा प्राथमिकता दातव्या, यतः कौशलभावः प्रशिक्षणेन निराकर्तुं शक्यते, किन्तु सत्यनिष्ठाया अभावः गम्भीराः चुनौतयः जनयितुं शक्नोति।

राष्ट्रपतिः अवदत् यत् नागरिकसेवायां आगच्छन्तेषु युवकेषु हाशिये स्थितानां दुर्बलवर्गाणां कृते कार्यभावना भवेत्। सा महिलानां आवश्यकतानां आकाङ्क्षाणां च प्रति विशेषसंवेदनशीलतायाः आवश्यकता इति प्रतिपादयन्ती अवदत् यत् लैङ्गिकसंवेदनशीलता लोकसेवायोगैः उच्चप्राथमिकतारूपेण स्वीकरणीया।

सा अवदत् यत् भारतं विश्वस्य तीव्रतमे वर्धमानानां प्रमुखार्थव्यवस्थानां मध्ये एकम् अस्ति, तथा च निकटभविष्ये विश्वस्य तृतीयसर्ववृहत्तमार्थव्यवस्था भवितुं अग्रसरः अस्ति। २०४७ तमे वर्षे विकसितभारतस्य लक्ष्यं साधयितुं प्रभावी सक्षमशासनप्रणाली अत्यावश्यकी। राष्ट्रपतिः विश्वासं व्यक्तवती यत् लोकसेवायोगाः भविष्याय सज्जानां, मूल्यनिष्ठानां, सक्षमनागरिकसेवकानां निर्माणे स्वां भूमिका निरन्तरं निर्वहिष्यन्ति।

हिन्दुस्थान समाचार / अंशु गुप्ता