प्रयागराजः 02 दिसम्बरमासः (हि.स.)। माघमेले २०२६ सकुशलसमापनार्थं प्रशासनं तदनुरूपेषु व्यवस्थासु निरतम् अस्ति। श्रद्धालून् जलनिमज्जनदुर्घटनाभ्यः रक्षितुं षट् उपकेन्द्राणि निर्मीयन्ते, यत्र चत्वारिंशद् गोताखोराः नियोजिताः भविष्यन्ति। एतत् विवरणं मङ्गलवासरे मेलायाः आरक्षक-अधीक्षकः नीरजः पाण्डेय महोदयः प्रदत्तवान्।

ते अवोचन् यत् माघमेले आगच्छन्तः श्रद्धालवः जलनिमज्जनघटनाभ्यः सुरक्षिताः स्युः इति निमित्तम् अस्मिन् वर्षे जल-आरक्षकदलस्य द्वारा चत्वारिंशद् गोताखोरैः सह षट् उपकेन्द्राणि निर्मीयन्ते। एस्-डी-आर्-एफ् तथा एन्-डी-आर्-एफ् इत्येतयोः एकैकं दलं सर्वत्र भ्रमन्तं सुरक्षा-व्यवस्थां सुनिश्चितं करिष्यति।

श्रद्धालुभ्यः नावेः अतिमूल्यं न गृह्यते इति सुनिश्चितार्थं लोकनिर्माण-विभागस्य अधिकारिणः नाविकान् प्रति आदेशं दत्तवन्तः यत् ते स्वनौकासु अनुमत-मूल्यं हेल्पलाइन-सङ्ख्याचिह्नं च अनिवार्यतया मुद्रयन्तु, ततः पश्चात् एव परीक्षण-प्रमाणपत्रं (Testing Certificate) दास्यते। यदि कोऽपि नाविकः प्रमाणपत्रविना नौकां सञ्चालयन् दृश्यते तर्हि तस्य विरुद्धं कठोरम् उपायं भविष्यति। माघमेले २०२६ यातायात-व्यवस्थां अधिकं सुगमां कर्तुम् विधानस्य दृष्टीया मण्डलायुक्तस्य च आरक्षक-आयुक्तस्य च संयुक्त-अध्यक्षतायां ट्राफिक-मूवमेंट-योजना-संबन्धिनी बैठकाऽपि सम्पन्ना अस्ति।

---------------

हिन्दुस्थान समाचार / अंशु गुप्ता