Enter your Email Address to subscribe to our newsletters
लखनऊ, 20 दिसम्बरमासः (हि.स.)। केन्द्रीयस्वास्थ्यपरिवारकल्याणमन्त्री जगत्प्रकाशनड्डा शनिवासरे अवदत् यत् पूर्वकाले चिकित्साशिक्षायै छात्राः उच्चशिक्षार्थं विदेशान् गच्छन्ति स्म, परन्तु अधुना कोऽपि विद्यार्थी न वक्तुं शक्नोति यत् भारतदेशे सुविधानां अभावः अस्ति। इदानीं भारतदेशे उत्कृष्टाः संस्थानाः, आधारभूतसंरचना तथा सर्वाः आवश्यकाः सुविधाः सन्ति। चिकित्साक्षेत्रे महान् परिवर्तनः दृश्यते।
केन्द्रीयस्वास्थ्यमन्त्री नड्डा अत्र किङ्ग् जॉर्ज् चिकित्साविश्वविद्यालयस्य (केजीएमयू) एकविंशतितमस्य दीक्षान्तसमारोहस्य उद्घाटनसमये भाषणं कृतवान्। सः अवदत् यत् केजीएमयू न केवलं देशे, अपि तु सम्पूर्णे विश्वे मानवतायाः सेवां कृतवान् अस्ति। अत्र चिकित्साशिक्षां प्राप्य निर्गताः छात्राः विश्वस्य विविधदेशेषु स्वसेवां ददति। केजीएमयू इत्यस्य गौरवपूर्णः इतिहासः अस्ति तथा अत्र कार्यं कर्तुं सौभाग्यस्य विषयः इति सः उक्तवान्। यकृत् तथा वृक्क प्रत्यारोपणक्षेत्रे केजीएमयू विशेषं स्थानं प्राप्तवान् इति अपि तेन निर्दिष्टम्।
नड्डा अवदत् यत् दीक्षान्तसमारोहः विद्यार्थिनां कृते स्वर्णिमः अवसरः भवति। अधुना भवतां स्कन्धेषु जल महान् दायित्वभारः अस्ति। सामाजिकदायित्वस्य निर्वाहः अवश्यमेव कर्तव्यः। रोगिणं स्वस्थं कर्तुं सरलः कार्यः न भवति, यतः रोगी जीवनस्य रक्षणं संरक्षणं च आश्रित्य भवत्समीपं आगच्छति।
जेपी नड्डा अपि अवदत् यत् विंशतितमे शताब्द्यन्ते देशे केवलम् एकः एम्स् संस्थानः आसीत्। परन्तु प्रधानमन्त्रिणः नरेन्द्रमोदीमहाभागस्य नेतृत्वे अधुना देशे त्रयोविंशतिः एम्स् संस्थानाः सन्ति। तस्यैव नेतृत्वे प्रधानमन्त्रि आयुष्मानभारतयोजना सम्पूर्णदेशे प्रवर्तिता, या विश्वस्य सर्वाधिकविस्तृता स्वास्थ्यबीमायोजना अस्ति। अस्याः योजनायाः माध्यमेन द्वाषष्टिकोटिः परिवाराः लाभान्विताः सन्ति। अस्यां योजनायां निर्धनानां विशेषतः सप्ततिवर्षाधिकवयस्कानां वृद्धानां कृते पञ्चलक्षपर्यन्तं निःशुल्कबीमासुविधा प्रदत्ता अस्ति।
दीक्षान्तसमारोहसमये प्रदेशस्य उपमुख्यमन्त्री ब्रजेशपाठकः अवदत् यत् केजीएमयू विश्वस्य श्रेष्ठतमेषु चिकित्साकेन्द्रेषु एकत्वेन विकसितः भवति। अत्र प्रतिदिनं दशसहस्रं रोगिणः ओपीडी विभागे आगच्छन्ति। केजीएमयू मध्ये अध्ययनं तथा अत्रात् उपाधिप्राप्तिः सुलभा न अस्ति। चिकित्साशिक्षया सह रोगिणां स्वास्थ्यरक्षणे केजीएमयू नवीनं आयामं निर्मितवान् इति तेन उक्तम्। सः अवदत् यत् २०१७ तमे वर्षात् पूर्वं उत्तरप्रदेशे सप्तदश शासकीयाः तथा त्रयोविंशतिः निजी चिकित्सामहाविद्यालयाः आसन्, परन्तु अधुना एकाशीतिः चिकित्सामहाविद्यालयाः पूर्णक्षमतया कार्यं कुर्वन्ति। शासकीयचिकित्सालयेषु औषधानां संसाधनानां च पर्याप्तता अस्ति इति अपि तेन सूचितम्।
राज्यमन्त्री मयंकेश्वरशरणसिंहः चिकित्सकान् प्रति उक्तवान् यत् ते रोगिणां सेवां कुर्वन्तु तथा देशस्य प्रदेशस्य च नाम उज्ज्वलं कुर्वन्तु।
अस्मिन् समारोहे राज्यपालः आनन्दीबेनपटेल, केन्द्रीयराज्यमन्त्री तथा भारतीयजनतापक्षस्य प्रदेशाध्यक्षः पंकजचौधरी, केजीएमयू शिक्षकसंघस्य अध्यक्षः प्रो. के.के. सिंह, महासचिवः डॉ. सन्तोषकुमारः, शल्यचिकित्साविभागाध्यक्षः प्रो. अभिनवअरुणसोनकरः, पल्मोनरी क्रिटिकल केयर मेडिसिन विभागप्रमुखः डॉ. वेदप्रकाशः च उपस्थिताः आसन्। केजीएमयू कुलपतिः प्रो. सोनियानित्यानन्दः जगत्प्रकाशनड्डां ससम्मानं स्वागतम् अकरोत्।----------------------
हिन्दुस्थान समाचार