गुवाहाटी, 20 दिसंबरमासः (हि.स.)।

प्रधानमन्त्री नरेन्द्रमोदी शनिवासरे अवदत् यत् तस्य सरकारः कांग्रेसदलेन दशकानु दशकं कृताः त्रुटीः क्रमशः संशोधयति, तथा असमराज्यं अद्य भारतस्य “पूर्वीयद्वारम्” (ईस्टर्न गेटवे) इति रूपेण विकसितं भवति। सः आरोपं कृतवान् यत् कांग्रेसस्य पूर्वसरकाराणां कृते असमस्य सम्पूर्णस्य च पूर्वोत्तरप्रदेशस्य विकासः कदापि प्राथमिकतासूच्यां न आसीत्, येन एषः प्रदेशः दीर्घकालं उपेक्षितः अभवत्।

गुवाहाटीनगरे गोपीनाथबोरदोलोई अन्तरराष्ट्रीय विमानपत्तनस्य नव्यटर्मिनलभवनस्य उद्घाटनानन्तरं आयोजितायां जनसभायां भाषणं कुर्वन् प्रधानमन्त्री अवदत् यत् असमभूम्या सह तस्य गाढः सम्बन्धः अस्ति। अत्रत्यजनानां प्रेम स्नेहश्च, विशेषतः असमस्य तथा उत्तरपूर्वस्य मातॄणां भगिनीनां च आत्मीयता, तं निरन्तरं प्रेरयति तथा पूर्वोत्तरविकासस्य तस्य सङ्कल्पं दृढं करोति। सः अवदत् यत् अद्यतनदिनं केवलं असमस्य न, अपि तु सम्पूर्णस्य उत्तरपूर्वप्रदेशस्य विकासोत्सवः अस्ति।

मोदी अवदत् यथा असमे विशालायाः ब्रह्मपुत्रायाः धाराः कदापि न विरमन्ति, तथैव भाजपा दलस्य द्विइञ्जिन सरकारे राज्ये विकासधारा अपि अविरतं प्रवहति। गुवाहाटी विमानपत्तनस्य नूतनटर्मिनलस्य उद्घाटनं अस्यैव प्रतिबद्धतायाः प्रमाणम् अस्ति। अस्य कृते सः असमवासिनः देशवासिनश्च अभिनन्दितवान्।

प्रधानमन्त्री अवदत् यत् आधुनिकविमानपत्तनसुविधाः तथा सम्पर्कसंरचना (कनेक्टिविटी इन्फ्रास्ट्रक्चर) कस्यापि राज्यस्य कृते नूतनावसराणां द्वाराणि उद्घाटयन्ति। एताः सुविधाः आत्मविश्वासस्य तथा जनविश्वासस्य दृढां नींव निर्मान्ति। यदा कोऽपि यात्रिकः अस्य नूतनटर्मिनले प्रवेशं करोति, तदा “विकासः विरासतिः च” इति मन्त्रस्य सजीवं रूपं दृश्यते। एषः टर्मिनलः असमस्य प्रकृतिं संस्कृतिं च दृष्ट्वा रूपितः अस्ति, यत्र हरितिमा स्थानीयपरिचयश्च विशेषतया ध्यानात् गृहीतः, येन यात्रिकाः शान्तिं आरामं च अनुभवयन्ति।

मोदी अवदत् यत् अद्य यदा जनाः असमे निर्मितानि आधुनिकविमानपत्तनानि महामार्गांश्च पश्यन्ति, तदा स्वयमेव अनुभवन्ति यत् राज्यस्य प्रति अधुना न्यायः क्रियते। सः आरोपं कृतवान् यत् पूर्वं कांग्रेसस्य कार्यसूच्यां असमस्य उत्तरपूर्वस्य च विकासः समाविष्टः एव न आसीत्। तेषां सरकाराणां चिन्तनं आसीत् यत् अस्य प्रदेशस्य कृते आधुनिकविमानपत्तनानि उत्तमरेलमार्गाः महामार्गाश्च आवश्यकाः न सन्ति, तस्मात् दशकान् यावत् विकासः न अभवत्।

“एक्ट ईस्ट पॉलिसी” इति नीतिं स्मारयन् प्रधानमन्त्री अवदत् यत् तस्य सरकारेण पूर्वोत्तरप्रदेशः रणनीतिकप्राथमिकतारूपेण स्वीक्रियते। अस्य परिणामस्वरूपं अद्य असमः भारतं आसियान् राष्ट्रैः सह संयोजयन् एकं महत्वपूर्णं सेतुरूपं धारयति। असमस्य “पूर्वीयद्वारम्” इति रूपेण उदयः केवलं आरम्भः एव अस्ति, आगामिकाले अस्मात् व्यापारस्य निवेशस्य रोजगारस्य च नूतनाः अवसराः सृज्यन्ते।

प्रधानमन्त्री भाषणकाले जनान् आहूतवान् यत् ते स्वमोबाइलदूरभाषायाः फ्लैशलाइट् प्रज्वालयित्वा विकासोत्सवे सहभागिनः भवन्तु। सः अवदत् यत् एषः दृश्यः सम्पूर्णदेशाय सन्देशं दास्यति यत् उत्तरपूर्वप्रदेशः अधुना नूतनेन आत्मविश्वासेन अग्रे गच्छति।

सः असमस्य प्रथममुख्यमन्त्री गोपीनाथबोरदोलोईं श्रद्धाञ्जलिं दत्त्वा अवदत् यत् सः राज्यस्य गौरवः आसीत् तथा तस्य विरासतिः आगामिपीढीः प्रेरयिष्यति। कठिनकाले बोरदोलोईनाऽसमस्य परिचयः भारतस्य एकता च संरक्षिता इति सः उक्तवान्।

प्रधानमन्त्री भारतीयन्यायसंहितायाः कार्यान्वयने असमस्य अग्रणीभूमिकां प्रशंसितवान् तथा अवदत् यत् अधुना राज्ये पारदर्शिता वर्धिता अस्ति। पूर्वं विना खर्चीपत्रिकया शासकीयसेवा प्राप्तुं अशक्यं मन्यते स्म, परन्तु अद्य भाजपा सरकारे तत् सम्भवं जातम्।

पूर्वोत्तरप्रदेशे हिंसाया उग्रवादस्य च विषये अपि सः अवदत् यत् कांग्रेससरकाराणां काले एषः प्रदेशः दीर्घकालं अशान्त्या हिंसायाश्च ग्रस्तः आसीत्। अधुना तस्य सरकारेण शान्तिस्थापनाय ठोसप्रयासाः कृताः। यत्र पूर्वं रक्तपातः भवति स्म, तत्र अधुना 4G 5G तन्त्रज्ञानस्य माध्यमेन डिजिटल् सम्पर्कः विस्तारितः अस्ति। ये जनपदाः पूर्वं हिंसाग्रस्ताः मन्यन्ते स्म, ते अधुना “आकाङ्क्षी जनपदाः” इति रूपेण विकसिताः सन्ति तथा भविष्ये औद्योगिककोरिडोररूपेण विकसितुं समर्थाः सन्ति।

मोदी अवदत् यत् 2014 वर्षात् पूर्वं बांसः वृक्षरूपेण मान्यः आसीत्, तस्मात् तस्य छेदनं निषिद्धम् आसीत्, यद्यपि विश्वे सर्वत्र सः तृणवर्गे गण्यते। तस्य सरकारेण नियमः परिवर्तितः तथा बांसः सम्यग् परिचयेन स्वीकृतः, येन स्थानीयार्थव्यवस्था रोजगारश्च वर्धितः।

घुसपैठविषये प्रधानमन्त्री अवदत् यत् केन्द्रीयसरकारा अवैधघुसपैठं निरोद्धुं कठोरपदानि स्वीकरोति। सः आरोपं कृतवान् यत् कांग्रेसदलं अस्मिन् विषये राष्ट्रविरोधीकार्यसूच्यां अनुसरति, यद्यपि सर्वोच्चन्यायालयः अपि अवैधघुसपैठिनां निष्कासनस्य समर्थनं कृतवान्। सः “इण्डी गठबन्धनम्” आक्षिप्य अवदत् यत् ते एसआइआर् प्रक्रियायाः आलोचनां कृत्वा घुसपैठिनां संरक्षणं कर्तुं प्रयतन्ते। निर्वाचनायोगेन प्रक्रिया आरब्धा यत् घुसपैठिनः निर्वाचनप्रक्रियात् बहिष्कृताः भवन्तु, परन्तु केचन तान् रक्षितुं प्रयतन्ते इति सः उक्तवान्।

प्रधानमन्त्री अवदत् यत् भारतं शीघ्रं विश्वस्य तृतीयं महत्तमं अर्थतन्त्रं भवितुं अग्रसरम् अस्ति। गतएकादशवर्षेषु अस्य परिवर्तनस्य मुख्यकारणं आधुनिकसंरचना एव अस्ति। 2047 वर्षस्य विकसितभारतलक्ष्यस्य सिद्धौ असमस्य सम्पूर्णस्य च उत्तरपूर्वप्रदेशस्य महत्त्वपूर्णा भूमिका भविष्यति, तथा अद्य अस्य दिशायां एकः नूतनः अध्यायः आरब्धः इति सः उपसंहृतवान्।

--------------

हिन्दुस्थान समाचार