Enter your Email Address to subscribe to our newsletters
चेन्नई, 20 दिसंबरमासः (हि.स.)। भारतीयजनतापक्षस्य राष्ट्रियकार्यकार्यध्यक्षः नितिन्नबिनः शनिवासरे तमिलनाडुराज्यस्य राजधानीं चेन्नै नगरं प्राप्तवान्। तत्र सः राज्ये स्थितया भारतीयजनतापक्षस्य तमिलनाडुएकायाः कार्यकर्तृभिः पदाधिकृतैश्च सह आगामीनिर्वाचनानां सिद्धताविषये संवादं कृत्वा तान् उत्साहितान् करिष्यति।
चेन्नै विमानपत्तने केन्द्रीयराज्यमन्त्री एल् मुरुगणस्य उपस्थितौ भारतीयजनतापक्षस्य कार्यकर्तृभिः बहुसंख्यकैः नितिन्नबिनस्य भव्यं स्वागतं कृतम्। राष्ट्रियकार्यकारीअध्यक्षपदस्य दायित्वग्रहणानन्तरं एषः तस्य प्रथमः तमिलनाडुदौरा आसीत्।
निर्धारितकार्यक्रमानुसारं सः अद्य सायंकाले बूथसमितिकार्यकारिणीभिः सह बैठकां करिष्यति तथा पक्षकार्यकर्तृभिः सह संवादं साधयिष्यति। अस्मिन् अवसरें संगठनस्य सुदृढीकरणं तथा निर्वाचनरणनीतिविषये विस्तृतचर्चा भविष्यतीति अपेक्षा वर्तते।
अस्मिन् एव प्रसंगे केन्द्रीयराज्यमन्त्री एल् मुरुगणः पत्रकारैः सह वार्तालापं कुर्वन् मतदातासूचीगहनपुनरीक्षणं विषयं कृत्वा अवदत् यत् दीर्घकालात् देशे एषा प्रक्रिया सम्यग् रूपेण न प्रवर्तिता आसीत्, येन मतदातासूच्यां द्विगुणितमतदातृनामानि मृतमतदातृनामानि च अवशिष्टानि सन्ति। तस्य निराकरणं निर्वाचनायोगस्य दायित्वं अस्ति, यत् आयोगेन सम्यक् प्रकारेण निर्वाहितम्।
सः अवदत् यत् ईमानदारदृष्ट्या विचार्यमाणे मतदातासूचिशोधनकार्यं सर्वेषां राजनैतिकदलानां सम्मत्या एव भवितव्यम्, यतः शुद्धा मतदातासूची लोकतन्त्रस्य आधारः अस्ति। सः आरोपं कृतवान् यत् तमिलनाडुराज्यस्य द्रविडमुनेत्रकडगम् दलं राजनैतिककारणात् अस्य विरोधं करोति।
अन्ते सः उक्तवान् यत् संसदि सम्पन्नाभिः चर्चाभिः एतत् स्पष्टं जातं यत् सर्वे सांसदाः अस्मिन् विषये सहभागिनः अभवन् तथा द्विगुणितमतदातृनाम्नां मृतमतदातृनाम्नां च अपाकरणं सर्वेषां कर्तव्यं अस्ति। निर्वाचनायोगेन अपि अस्य दिशायां आवश्यकाः उपायाः कृताः।--------------------
हिन्दुस्थान समाचार