Enter your Email Address to subscribe to our newsletters
मुंबई, 20 दिसंबरमासः (हि.स.)।
मलयालमचलचित्रस्य दिग्गजः अभिनेता पटकथालेखकः निर्देशकश्च श्रीनिवासनः नवोत्तरषष्टिवर्षीयः सन् शनिवासरे देहं त्यक्तवान्। स्वस्य दीर्घे भव्ये च कलाजीवने सः प्रायः द्विशताधिकपञ्चविंशतिः (225) चित्रेषु अभिनयम् अकरोत्, किन्तु सामाजिकराजनीतिकव्यङ्ग्यपूर्णायाः लेखनशक्तेः कारणेन सः विशेषतया ख्यातिं प्राप्तवान्। तस्य कथाः संवादाश्च साधारणजनस्य जीवनसम्बद्धाः आसन्, येन दर्शकेषु गहना प्रभावः अभवत्।
विशेषतः सुपरस्टार मोहनलालेन सह तस्य जोडी मलयालमचलचित्राय अनेकानि स्मरणीयानि चित्राणि दत्तवती। कथ्यते यत् श्रीनिवासनः विगतकेभ्यः अनेकवर्षेभ्यः अस्वस्थः आसीत्। २० डिसेम्बर् २०२५ दिने केरलराज्यस्य एर्नाकुलम् जनपदे त्रिपुनिथुरा तालुक् चिकित्सालये सः अन्तिमश्वासं अकरोत्। सः स्वपत्नीं विमलां तथा द्वौ पुत्रौ अभिनेता निर्देशकश्च विनीतश्रीनिवासनं ध्यानश्रीनिवासनं च अनुवर्तयित्वा गतवान्।
तस्य निधनसमाचारात् प्रशंसकेषु चलचित्रोद्योगे च शोकतरङ्गः प्रसृतः, सर्वे च तस्मै श्रद्धाञ्जलिं अर्पयन्ति। मलयालमचलचित्रे श्रीनिवासनः अत्यन्तं प्रभावशालीः सफलश्च लेखकअभिनेता इति गण्यते। एम्. टी. वासुदेवन नायरः, के. जी. जॉर्जः, पी. पद्मराजनश्च इत्यादीनां दिग्गजानां मध्ये अपि तस्य स्वकीया विशिष्टा पहचान् अभवत्।
तस्य चित्राणि न केवलं दर्शकानां हृदयानि जितवन्ति, अपि तु मोहनलालस्य, प्रियदर्शनस्य, सत्यनन्थिकाडस्य च इत्यादीनां महतां कलाकाराणां चलचित्रकाराणां च करियरं नवदिशां नीतवन्ति। अद्यापि तस्य चलचित्राणि मलयालीदर्शकेषु पूर्ववत् लोकप्रियानि सन्ति।
तस्य निधनप्रसङ्गे अभिनेता पृथ्वीराजसुकुमारनः अपि भावपूर्णां श्रद्धाञ्जलिं दत्तवान्। सः अवदत्— “श्रीनिवासनः जगतः महान् लेखकः निर्देशकः अभिनेताच आसीत्। सः अस्मान् हास्येन आनन्दितवान् चिन्तनाय च प्रेरितवान्। तस्य आत्मा शान्तिं प्राप्नुयात्।” अपरत्र केरलस्य सामान्यशिक्षामन्त्री वी. शिवनकुट्टी मलयालमचलचित्रस्य कृते एषा अपूरणीयक्षतिः इति अवदत्।
श्रीनिवासनमोहनलालयोः जोडी मलयालमचलचित्रस्य सर्वाधिकस्मरणीयासु जोडिषु गण्यते। ‘नाडोडिक्कट्टु’, ‘वरवेल्पु’, ‘चित्रम्’, ‘पवित्रम्’ इत्यादिषु चित्रेषु उभयोः रसायनं दर्शकैः अत्यन्तं प्रशंसितम्। श्रीनिवासनः १९७६ तमे वर्षे ‘मणिमुझक्कम्’ नाम्ना चित्रेण स्वस्य अभिनयजीवनस्य आरम्भं कृतवान्। सामाजिकव्यङ्ग्येन साधारणजीवनसम्बद्धैः पात्रैश्च यां ख्यातिं सः प्राप्तवान्, सा सदा स्मरणीया भविष्यति। स्वयोगदानस्य कारणेन सः राज्यस्तरीयराष्ट्रीयस्तरीयैः च अनेकैः प्रतिष्ठितैः पुरस्कारैः सम्मानितः आसीत्।
---------------
हिन्दुस्थान समाचार