Enter your Email Address to subscribe to our newsletters
कोलकाता, 21 दिसंबरमासः(हि.स.)।राष्ट्रियस्वयंसेवकसंघस्य कोलकातायां आयोजितायां व्याख्यानमालायां ‘शतवर्षीयसंघयात्रा नवानि क्षितिजानि’ इति विषयके कार्यक्रमे सरसंघचालकः डॉ. मोहनभागवतः समाजस्य विशिष्टवर्गेभ्यः आमन्त्रितैः अतिथिभिः पृष्टानां प्रश्नानां उत्तरैः संघस्य वैचारिकदिशां सामाजिकदृष्टिं च भावीप्राथमिकताः स्पष्टतया निरूपितवान्।
युवकानां भूमिका संस्कृतिः शिक्षाः स्वास्थ्यं कूटनीतिः सुरक्षा हिन्दुत्वं सामाजिकसमरसता च इत्यादिषु विषयेषु दत्तेषु उत्तरषु संघस्य मूलचिन्तनं स्पष्टं दृश्यते।
युवकान् विषयीकृत्य पृष्टेषु प्रश्नेषु सरसंघचालकः अवदत् यत् अद्यतनसंततिः सामाजिकमाध्यमानां नशाव्यसनस्य च प्रभावेण भ्रमितमार्गे गच्छति येन अपराधः सामाजिकविघटनं च वर्धते। संघस्य मतं यत् युवानः केवलं रोजगारैः न तु चारित्र्येण अनुशासनेन राष्ट्रबोधेन च संयोजनीयाः। यदा युवकाः स्वजीवनं केवलं व्यक्तिगतलाभे न सीमयन्ति अपि तु समाजदेशयोः उत्तरदायित्वं बोधयन्ति तदैव ते सशक्ताः नागरिकाः भवन्ति।
विदेशपलायनविषये सः अवदत् यत् यदि देशे अर्थपूर्णाः अवसराः सम्मानयुक्ता कार्यसंस्कृतिश्च निर्मीयते तर्हि प्रतिभा स्वयमेव देशेन सह सम्बद्धा भविष्यति।
भारतीयशास्त्रीयसंगीतकला संस्कृतिविषये प्रश्नेषु डॉ. भागवतः अवदत् यत् परम्परागतकलाः केवलं मनोरञ्जनसाधनानि न सन्ति अपि तु समाजस्य आत्मा एव। कलाकाराणां सम्मानः युवेषु भारतीयकलायाः गौरवभावनायाः विकासः च संघस्य प्रयासः अस्ति। तदर्थं समाजस्य शिक्षणसंस्थानानां सांस्कृतिकमञ्चानां च समन्वयः आवश्यकः।
हिन्दुत्वविषये सः स्पष्टतया अवदत् यत् हिन्दुत्वं संकीर्णधार्मिकपरिचयः न अपि तु जीवनपद्धतिः अस्ति। भारतस्य नैतिकसामाजिकबौद्धिकचेतनायाः आधारः हिन्दूस्वभावः एव। विविधतायाः स्वीकारः सर्वैः सह गमनं च अस्य विशेषता अस्ति। युवानः उपदेशेन न तु आचरणेन उदाहरणेन च हिन्दुत्वेन संयोजनीयाः।
नगरीयव्यवस्थाविषये सार्वजनिकस्थानेषु अवैधकब्जानां समस्याविषये सः अवदत् यत् एषा केवलं प्रशासनस्य न अपि तु समाजस्यापि उत्तरदायित्वम्। स्वच्छता अनुशासनं सार्वजनिकसम्पत्तौ अपनत्वभावः च नागरिकेषु जागर्तव्यः तदैव स्थायीसमाधानं सम्भवति।
शिक्षासंस्कृतभाषाविषये सः अवदत् यत् भारतीयज्ञानपरम्परायाः आधुनिकशिक्षया सह संयोजनं कालस्य आवश्यकता अस्ति। विज्ञानम् अध्यात्मं च परस्परविरोधिनौ न मान्यौ अपि तु परिपूरकौ। एवं पाठ्यक्रमविकासेन आत्मविश्वासयुक्ता मूल्यनिष्ठा पीढी निर्मीयते।
कृत्रिमबुद्धिमत्ता तकनीक उद्यमिताविषये सः अवदत् यत् भविष्यत्सज्जता केवलं कौशलेषु सीमिता न भवेत्। नैतिकमूल्यानां कर्तव्यबोधस्य सामाजिकसंवेदनशीलतायाः अभावे तकनीकीप्रगति अपूर्णा भवति। संघस्य दृष्टिः यत् युवा तकनीकया सह संस्कारानपि शिक्षन्तु।
स्वास्थ्यचिकित्साशिक्षाविषये सः अवदत् यत् उपचारः सुलभः मानवीयः च भवेत्। सेवाभावस्य अभावे चिकित्सा केवलं व्यवसायः भवति। सस्ती गुणवत्तायुक्ता स्वास्थ्यसेवाः राष्ट्रस्य अनिवार्यावश्यकता अस्ति।
विदेशनीतिप्रश्नेषु सः अवदत् यत् वर्तमानविदेशनीतौ संशोधनस्य न तु अधिकसजगतायाः शीघ्रतायाः च आवश्यकता अस्ति। रूस युक्रेन इस्रायलदेशेषु वर्तमानसंघर्षान् उल्लिख्य सः अवदत् समरथं न दोषयेत्। शक्तिमन्तं प्रति नियमाः न भवन्ति। अतः भारतः आर्थिकसहितं सर्वप्रकारं सामर्थ्यं सञ्चिनोतु। भारतः एवम् आत्मनिर्भरः शक्तिशाली च भवेत् यत् संयुक्तराष्ट्रसंघस्य स्थायी सदस्यत्वं याचयितुं न आवश्यके अपि तु विश्वमेव वदेत् भारतः स्थायी सदस्यः भवतु।
बांग्लादेशविषये सः अवदत् यत् सीमास्थितौ अवैधप्रवेशे जनसांख्यिकसन्तुलने सामाजिकसौहार्दे च गम्भीरचिन्तनम् आवश्यकम्। समाधानं केवलं राजनीतिकं न अपि तु सामाजिकजागरूकतया अपि सम्भवति। बांग्लादेशे हिन्दूनां दुर्दशाया निवारणार्थं तत्रस्थाः हिन्दवः संगठिताः भवन्तु। भारतः विश्वस्य अन्यदेशाश्च मर्यादायां स्थित्वा यत् कर्तुं शक्नुवन्ति तत् सर्वं कुर्वन्तु।
अन्ते सरसंघचालकः अवदत् यत् संघः समाजं विभजति न तु संयोजयति। शतवर्षीयायाः यात्रायाः अनन्तरं संघस्य लक्ष्यं अधिकसमर्पितसंस्कारयुक्तराष्ट्रनिष्ठसमाजस्य निर्माणम् अस्ति यत्र विचाराः भिन्नाः स्युः किन्तु मनः उद्देश्यं च एकमेव भवेत्।
---
हिन्दुस्थान समाचार