Enter your Email Address to subscribe to our newsletters
पूर्व मेदिनीपुरम्, 22 दिसंबरमासः (हि.स.)।
पश्चिमबङ्गालराज्यस्य पूर्ववर्तिनि मेदिनीपुर जनपदे आयोजिते एकस्मिन् सांस्कृतिककार्यक्रमे प्रसिद्धया बङ्गालीगायिकया लग्नजिता चक्रवर्ती महोदया सह दुर्व्यवहारस्य उत्पीड़नस्य च घटना प्रकाशिता अभवत्। “जागो मां” इति गीतस्य गायने आपत्तिं कृत्वा उपद्रवं कृतवान् इति आरोपेण कार्यक्रमस्य आयोजकेषु सम्मिलितः विद्यालयस्य सहस्वामी महबूब मलिक नामकः पुरुषः पुलिसद्वारा गृहीतः अस्ति।
प्राप्तसूचनानुसारं एषा घटना शनिवासररात्रौ पूर्वी मेदिनीपुर जनपदे भगवानपुरस्थिते एकस्मिन् निजविद्यालये आयोजिते सांस्कृतिककार्यक्रमे घटिता। तत्र लग्नजिता चक्रवर्ती महोदया स्वकीयां प्रस्तुतिṁ ददाति स्म। प्रारम्भे प्रायः पञ्चचत्वारिंशत् निमेषपर्यन्तं कार्यक्रमः सामान्यरूपेण प्रवर्तितः। ततः अनन्तरं यदा सा ‘देवी चौधरानी’ चलचित्रस्य लोकप्रियं “जागो मां” इति गीतं गातुं आरब्धवती तदा आयोजकेषु एकः महबूब मलिकः तस्मिन् विषये आपत्तिं व्यक्तवान्।
आरोपः अस्ति यत् सः मंचे एव “धर्मनिरपेक्षाणि गीतानि एव गायनीयानि” इति कथयन् आक्रामकं व्यवहारं कृतवान्। स्थितेः अधिकं विकृतायां कार्यक्रमः स्थगितः अभवत् तथा कलाकाराः मंचं त्यक्तवन्तः। अस्याः घटनायाः कारणेन गायिका तस्याः दलः च अतिशयेन आहतौ अभवताम्।
लग्नजिता चक्रवर्ती शनिवासरात्रौ एव भगवानपुर पुलिसथाने लिखितां शिकायतं दत्तवती। तस्याः शिकायतायाः आधारेण पुलिसदलेन मुख्याभियुक्तं महबूब मलिकं रविवासरे गृहीतवत्। सः तस्यैव विद्यालयस्य सहस्वामी इति उच्यते यत्र कार्यक्रमः आयोजितः आसीत्।
पूर्वी मेदिनीपुरस्य पुलिसअधीक्षकः मिथुन दे महोदयःनिग्रहणं पुष्टि कृत्वा अवदत् यत् एषः विषयः गम्भीरतया गृहीतः अस्ति तथा विधिनुसारं कार्यवाही प्रचलति। अभियुक्तात् पृच्छा अनवरतं प्रवर्तते इति अपि तेन उक्तम्।
अस्याः घटनायाः अनन्तरं पुलिसप्रशासनस्य कार्यशैलीं प्रति अपि प्रश्नाः उद्भूताः सन्ति। आरोपः अस्ति यत् आरम्भे गायिकां तदीयं दलं च प्राथमिकीलेखनात् निरुत्साहितं कर्तुं प्रयासः कृतः। एतत् विषयं दृष्ट्वा भगवानपुर पुलिसथानस्य प्रभारी अधिकारीस्य विरुद्धं विभागीयान्वेषणं आरब्धम् अस्ति। पुलिसअधीक्षकः मिथुन दे महोदयः अवदत् यत् यदि अन्वेषणे किमपि प्रमादः लापरवाही वा दृश्यते तर्हि सम्बन्धितस्य अधिकारीस्य विरुद्धं कठोरं कार्यवाहीं करिष्यते।
अस्याः घटनायाः पश्चात् राज्यव्यापिनी सांस्कृतिकस्वातन्त्र्यं कलाकाराणां सुरक्षां च विषये व्यापकः विमर्शः तीव्रः जातः।
---------------
हिन्दुस्थान समाचार