Enter your Email Address to subscribe to our newsletters
नवदेवली, 22 दिसम्बरमासः (हि.स.)। सोमवारे भारतस्य प्रधानमन्त्री नरेन्द्रमोदीः न्यूज़ीलैण्डदेशस्य प्रधानमन्त्री क्रिस्टोफर् लक्सन इत्यनेन सह दूरभाषे संवादं कृतवान्। उभौ नेतारौ ऐतिहासिकं, महत्त्वाकाङ्क्षिणं तथा पारस्परिकलाभकरं भारत–न्यूजीलाण्ड मुक्तव्यापार-परामर्शम् (एफ़टीए) अन्तिमरूपेण सिद्धं जातमिति संयुक्तरूपेण घोषणां कृतवन्तौ।
प्रधानमन्त्रालयस्य सूचनानुसारं, प्रधानमन्त्री लक्सन इत्यस्य मार्चमासः 2025 मध्ये भारतयात्राकाले आरब्धाः वार्ताः केवलं नवमासेषु समाप्यन्ते इति उभयदेशयोः दृढां राजनीतिकेच्छां तथा द्विपक्षीयसम्बन्धान् अधिकं सुदृढीकर्तुं प्रतिबद्धतां दर्शयति। एषः एफ़टीए व्यापारं निवेशं च प्रवर्धयिष्यति, पण्यशाला-प्रवेशं सुदृढीकर्तुं साहाय्यं करिष्यति, तथा रणनीतिक-सहकार्ये नूतनां दिशां प्रदास्यति। अस्य माध्यमेन उभयदेशयोः निवेशकानां, उद्यमिनां, कृषकाणां, लघु-मध्यम-उद्यमानां (एमएसएमई), छात्राणां तथा युवजनानां कृते विविधेषु क्षेत्रेषु नूतनाः अवसराः उद्घाटिताः भविष्यन्ति।
उभौ नेतारौ विश्वासं व्यक्तवन्तौ यत् अस्मात् परामर्शात् आगामि पञ्चवर्षेषु द्विपक्षीय-व्यापारः द्विगुणितः भविष्यति, तथा आगामिषु पञ्चदशवर्षेषु न्यूज़ीलैण्डतः भारतदेशे 20 अरब-अमेरिकी-डॉलर-पर्यन्तं निवेशः आगमिष्यति। तयोः क्रीडा, शिक्षा तथा जनसम्पर्कादिषु क्षेत्रेषु प्राप्तां प्रगतिम् अपि स्वागतं कृतवन्तौ। भारत–न्यूजीलैण्ड परामर्शम् अधिकं सुदृढीकर्तुं स्वप्रतिबद्धतां पुनरुक्तवन्तौ, तथा परस्परसम्पर्के स्थातुम् अपि सहमतिं दत्तवन्तौ।
प्रधानमन्त्री मोदीः भारत–न्यूजीलैण्ड मुक्तव्यापार-परामर्शम् उभयदेशयोः सम्बन्धेषु एकाम् ऐतिहासिकाम् उपलब्धिं इति वर्णयन् अवदत् यत् एषः परामर्शः नूतनानि शिखराणि स्पृशिष्यति। सः ‘एक्स्’ इत्यत्र अवदत् यत् भारत–न्यूजीलैण्ड परामर्शः नूतनैः शिखरैः अभिवर्धिष्यते। एषः एफ़टीए आगामिषु पञ्चवर्षेषु उभयदेशयोः मध्ये व्यापारस्य द्विगुणीकरणाय मार्गं प्रशस्तं करोति। भारतः न्यूज़ीलैण्डतः विविधेषु क्षेत्रेषु 20 अरब-अमेरिकी-डॉलर-अधिकस्य निवेशस्य स्वागतं करोति। अस्माकं प्रतिभावन्तः युवजनाः, सुदृढं स्टार्टअप्-परिस्थितितन्त्रं, तथा परिष्कार-आधारित-अर्थव्यवस्था—एते सर्वे नवोन्मेषाय दीर्घकालीन-परामर्शं च दृढां भूमिं निर्माति। एतेन सह वयं क्रीडा, शिक्षा, सांस्कृतिक-सम्बन्धान् इत्यादिषु अन्येषु क्षेत्रेषु अपि सहकार्यं सुदृढं कर्तुं निरन्तरं प्रवर्तिष्यामः।
प्रधानमन्त्रीणाऽपि उक्तम् यत् भारत–न्यूजीलैण्ड सम्बन्धेषु एषः एकः महत्त्वपूर्णः क्षणः अस्ति, यत्र द्विपक्षीय-व्यापारः निवेशश्च दृढतया प्रवर्धितौ स्तः। मम मित्रं प्रधानमन्त्री क्रिस्टोफर् लक्सनं च अहं किञ्चित्कालं पूर्वमेव ऐतिहासिकस्य भारत–न्यूजीलाण्ड मुक्तव्यापार-परामर्शे सम्पन्नतायाः अनन्तरं सुखदं संवादं कृतवान्। केवलं नवमासेषु सिद्धः एषः ऐतिहासिकः प्रयासः उभयदेशयोः मध्ये आर्थिक-सम्बन्धान् गाढीकर्तुं दृढां राजनीतिकेच्छां तथा परामर्श-महत्त्वाकाङ्क्षां च स्पष्टं दर्शयति। एषः एफ़टीए उत्तमं पणयशाला-प्रवेशं, अधिकं निवेश-प्रवाहं, तथा निवेशकानां, उद्यमिनां, कृषकाणां, एमएसएमई, छात्राणां, युवजनानां च कृते बहून् अवसरान् सुनिश्चितं करोति।
हिन्दुस्थान समाचार / अंशु गुप्ता