Enter your Email Address to subscribe to our newsletters
काठमांडूनगरम्, 22 दिसंबरमासः (हि.स.)। सर्वदलीय-सर्वकार-निर्माणस्य अभियाचनां कृत्वा मिराजढुंगाना सहिताः युवजनाः काठमाण्डू-नगरे मैतीघर-स्थले प्रदर्शनं कृतवन्तः। अस्मिन् प्रदर्शने रविकिरण हमालः, निकोलस भुसालः इत्यादयः अन्ये अपि युवजनाः सम्मिलिताः आसन्। प्रदर्शनकारिणः वदन्ति यत् सर्वदलीय-सर्वकारस्य गठनानन्तरमेव निर्वाचनं कर्तव्यम्। तैः हस्तेषु “जेन-जी-समूहस्य मागः निर्वाचनं न, सुशासनम् अस्ति” इति लिखितानि फलकानि धारितानि आसन्। अस्मिन् अवसरे मैतीघर-मण्डल-क्षेत्रात् आरक्षकैः रविकिरण हमालः सहितः पञ्च प्रदर्शनकारिणः निग्रहणे निगृहीताः।
प्रदर्शनकारिणः पुनः पुनः अवदन् यत् तेषां प्रमुखा मागः सर्वदलीय-सर्वकारस्य गठनम् एव अस्ति, तस्य अभावे निर्वाचनं स्वीकर्तुं न शक्यते। जेन-जी-समूहाः रविवासरे एव पत्रकार-सम्मेलनं कृत्वा सोमवासरात् सुशीला-कार्की-सर्वकारस्य विरुद्धं नियमित-प्रदर्शनस्य घोषणां कृतवन्तः।
---------------
हिन्दुस्थान समाचार / अंशु गुप्ता