मामल्लपुरम्, २२ दिसम्बरमासः (हि.स.)। तमिलनाडुराज्यस्य ऐतिहासिकपर्यटनस्थले मामल्लपुरे तमिलगा–वेत्त्री–कज़गम (तवेक) पक्षस्य आयोजनेन आयोजिते क्रिसमस–उत्सवे पक्षस्य संस्थापकः च प्रसिद्धः चलचित्र-अभिनेता विजयः उपस्थितः अभवत्। अस्मिन् अवसरे सः पक्षकार्यकर्तॄन् समर्थकांश्च संबोधितवान्। कार्यक्रमे आन्ध्रप्रदेशस्य विशाखापत्तनात् पदयात्रया आगतस्य एकस्य पक्षसमर्थकस्य अपि भव्यं स्वागतं कृतम्।

वस्तुतः २५ दिसम्बरदिनाङ्के सम्पूर्णविश्वे क्रिसमसपर्वम् आचर्यते। तस्मिन् एव अनुक्रमे तमिलगा–वेत्त्री–कज़गम पक्षेण रविवासरस्य प्रातःकाले मामल्लपुर-समीपे पंचेरीक्षेत्रे स्थिते एकस्मिन् निजे तारकाहोटेले क्रिसमस–उत्सवस्य आयोजनं कृतम्। कार्यक्रम-स्थले कठोराः सुरक्षा-व्यवस्थाः आसन्, तथा च केवलं पूर्वनिर्धारित-अनुमतिपत्रयुक्तेभ्यः एव प्रवेशः अनुमतः आसीत्।

कार्यक्रमकाले तमिलगा–वेत्त्री–कज़गम पक्षस्य कार्यकर्तॄणां पदाधिकारिणां च स्वागतं पक्षस्य प्रधान-कार्यकारी-सचिवः आनन्दः वसतिगृहस्य मुख्यद्वारे स्थित्वा कृतवान्। आयोजनस्य सुव्यवस्थितत्वं अनुशासनं च रक्षितुं विशेषव्यवस्थाः कृताः आसन्।

उल्लेखनीयं यत् करूर-घटनानन्तरं तमिलगा–वेत्त्री–कज़गम पक्षेण आयोजितेषु सर्वेषु कार्यक्रमेषु क्यूआर-कोड-आधारित-प्रवेशप्रणाली प्रवर्तिता अस्ति। एतस्याः एव व्यवस्थायाः अन्तर्गतं मामल्लपुरे आयोजिते अस्मिन् क्रिसमस–उत्सवे प्रायः १५०० जनानां क्यूआरकोड इत्यस्य माध्यमेन प्रवेशानुमतिः प्रदत्ता।

अस्मिन् अवसरे आन्ध्रप्रदेशस्य विशाखापत्तननिवासी च तमिलगा–वेत्त्री–कज़गम पक्षस्य कट्टरसमर्थकः शेखरः विशेष-आकर्षणस्य केन्द्रम् अभवत्। शेखरः प्रायः ५०० किलोमीटर-परिमितं दूरीं सप्त-दिवसैः पदयात्रया अतिक्रम्य रविवासरे प्रातःकाले मामल्लपुरं प्राप्तवान्। पक्षस्य मुख्य-सचिवः आनन्दः तस्मै शालां समर्प्य सम्मानं कृतवान्। तस्य एषा पदयात्रा पक्ष-नेतृभिः कार्यकर्तृभिः च समर्पणस्य, आस्थायाः, संगठन-निष्ठायाः च प्रतीकं इति वर्णिता।

गौरतलबं यत् अभिनेता विजयः २०२४ तमे वर्षे तमिलगा–वेत्त्री–कज़गम इति नामकस्य राजनैतिक-पक्षस्य स्थापना कृतवान्। आगामी २०२६ तमिलनाडु-विधानसभा-निर्वाचनं दृष्ट्वा विजयः राज्यव्यापिनं निरन्तरं जनसम्पर्कं सघनं प्रचार-अभियानं च सञ्चालयति। अलीकाले ईरोडे आयोजितायां टीवीके-प्रचारसभायां सहस्रशः पक्षकार्यकर्तारः समर्थकाश्च सहभागी अभवन्।

अतिरिक्तं गतशनिवासरे विजयस्य निवासे विधानसभा-निर्वाचनसिद्धतां विषयी काचित् महत्त्वपूर्णा सभाऽपि आयोजिताऽभवत्, यस्याम् सम्भाव्य-गठबन्धनम्, निर्वाचनरणनीतिः, विविधसमितीनां गठनं च विषये विस्तरेण चर्चा कृता। एतेन स्पष्टं भवति यत् तमिलगा–वेत्त्रीकज़गम आगामी-विधानसभानिर्वाचनान् प्रति पूर्णतया सक्रियः, संगठितः, रणनीतिकरूपेण च अग्रे गच्छति।

हिन्दुस्थान समाचार / अंशु गुप्ता