Enter your Email Address to subscribe to our newsletters
नव दिल्ली, 22 दिसंबरमासः (हि.स.)।
भारतीयडाकविभागः तथा दूरसञ्चारलेखा-वित्तसेवा (आईपी एण्ड टीएएफएस) सोमवासरे अत्र स्वीयं एकपञ्चाशत्तमं स्थापना-दिनं “सञ्चार-वित्त-लेखा-दिवसः” इति रूपेण आचरितवन्तौ। केन्द्रीयसञ्चारमन्त्रालयेन अवगतं कृतं यत् अस्मिन् सम्मेलने वित्तम्, लेखा, पेन्शन्, प्रशिक्षणम्, डिजिटल-सुधाराः इत्यादीनां विविधविषयाणां विषये व्यापकचर्चा अभवत्।
सञ्चारलेखामहानियन्त्रिका वन्दनागुप्ता राजस्व-आश्वासनम्, अनुज्ञापत्र-शुल्कम्, स्पेक्ट्रम्-उपयोग-शुल्कम्, आन्तरिक-लेखापरीक्षणम् तथा पेन्शन-प्रबन्धनम् इत्यादीनां दायित्वानाम् उल्लेखं कृत्वा अवदत् यत् आईपी एण्ड टीएएफएस सेवया कालेन सह स्वीयां भूमिकां विस्तारितवती अस्ति।
दूरसञ्चारविभागे परामर्शकः (वित्त) दर्शनम् डाबरालः आत्ममन्थनस्य आवश्यकतां बलवत्तरं कृत्वा अवदत् यत् उदारीकरणस्य तथा डिजिटल-परिवर्तनस्य युगे आईपी एण्ड टीएएफएस सेवा केवलं सेवा-प्रदातृरूपेण न, अपि तु नियामकः तथा रणनीतिकः वित्तीयःसहकारितारूपेण विकसितवती अस्ति। तेन सम्पन्न्, आईटी २.० तथा सरस् इत्यादीनां डिजिटल-अनुप्रयोगानां महत्त्वमपि प्रतिपादितम्।
सञ्चारमन्त्रालयस्य वित्त-लेखा-प्रभागस्य वरिष्ठः उप-महानिदेशकः (पीएएफ) राजीवकुमारः अवदत् यत् एषा सेवा निरन्तरं स्वयमेव विकसितवती अस्ति, यस्मिन् वरिष्ठानां सेवानिवृत्तानां च अधिकारिणां मार्गदर्शकभूमिका अत्यन्तं महत्त्वपूर्णा आसीत्।
अपरः नियन्त्रक-महालेखाकारः आस्था-सक्सेना सार्वजनिक-वित्तीय-प्रबन्धन-प्रणाल्याः (पीएफएमएस) माध्यमेन सञ्चार-वित्त-विभागस्य तथा नियन्त्रक-महालेखाकारस्य मध्ये सहयोगस्य उल्लेखं कृतवती।
सम्मेलने अनेकैः सेवानिवृत्तैः अधिकारिभिः स्वानुभवाः साझा कृताः। तदनन्तरं सम्पन्न् २.०, आईटी २.० तथा राजस्व-आश्वासनम् इत्यादिषु विषयेषु अपि विस्तृता चर्चा अभवत्।
------------
body{font-family:Arial,sans-serif;font-size:10pt;}.cf0{font-family:Nirmala UI,sans-serif;font-size:14pt;}.cf1{font-family:Consolas;font-size:14pt;}
हिन्दुस्थान समाचार