Enter your Email Address to subscribe to our newsletters
जयपुरम्, 23 दिसंबरमासः (हि.स.)। मुख्यमन्त्री भजनलाल-शर्मा लोकसभा-अध्यक्षेण ओमबिरलामहोदयेन सह केन्द्रीयशिक्षामन्त्रिणा धर्मेन्द्रप्रधानेन च सोमवासरे ओडिशा-राज्ये मातृ-समलेश्वरी-देवी-मन्दिरे दर्शनानि कृतवान्। तत्र सः प्रदेशस्य सुख-समृद्ध्यै तथा सामान्यजनस्य प्रसन्नतायै प्रार्थना कृता।
मारवाड़ी-समाजस्य परिचयः सेवात्यागसमर्पणैः
अस्मात् पूर्वं सोमवासरे एव ओडिशा-राज्यस्य संबलपुरनगरे आयोजिते मारवाड़-महोत्सवे सम्बोधनं कुर्वन् मुख्यमन्त्री भजनलाल-शर्मा अवदत् यत् देशे विदेशेषु च मारवाड़ी-समाजः स्व-संस्कृतेः संरक्षणं कृत्वा “एक-भारत-श्रेष्ठ-भारत” इति संकल्पनां साकारयति। मारवाड़ी-समाजः शिक्षा-चिकित्सा-प्रभृतिषु क्षेत्रेषु सामाजिक-सरोकार-युक्तानि कार्याणि कृत्वा सर्वत्र परिश्रमेण सत्यनिष्ठया च राजस्थानस्य भूमेः सौगन्ध्यं प्रसारयति।
शर्मा अवदत् यत् मारवाड़ी-युवा-मञ्चेन आयोजितः अयं महोत्सवः सांस्कृतिक-एकतायाः लोक-परम्परायाः तथा भारतीय-गौरवस्य अद्वितीयः संगमः अस्ति। अपि च राजस्थानस्य लोक-कला, संगीतं, नृत्यं, हस्तशिल्पं, खानपानं च एकस्मिन् मञ्चे समानीतं कृत्वा भारतस्य सांस्कृतिक-आत्मानं एका माला इव संयोजयितुं सशक्तः प्रयासः क्रियते।
लोकसभा-अध्यक्षः ओम-बिरला अवदत् यत् भगवान् जगन्नाथस्य भूमिः ओडिशा अध्यात्मस्य, धर्मस्य, संस्कृतेः, संस्काराणां, साहित्यस्य तथा देशस्य स्वातन्त्र्याय संघर्षं कृतवतां वीराणां च भूमि अस्ति। सः अवदत् यत् शौर्य-वीर्ययोः भूमि राजस्थानात् आगतः मारवाड़ी-समाजः स्व-मातृभूम्या सह गाढं सम्बन्धं धारयति। बिरला अवदत् यत् मारवाड़ी-समाजः ओडिशा-भूमौ स्व-कर्मणा श्रमेण च अमूल्यं योगदानं ददाति। सः अवदत् यत् राजस्थानस्य ओडिशायाः च गाढः सम्बन्धः अस्ति, उभयोः आध्यात्मिक-आस्था, संस्कृति, विचाराश्च समानाः सन्ति। मारवाड़ी-समाजः कठोर-परिश्रमेण अत्रत्य-जनान् अपि स्वकीयान् अकरोत्। सः अवदत् यत् देशे विदेशेषु च मारवाड़ी-समाजः त्यागसेवासमर्पणैः स्वपरिचयं निर्माति।
केन्द्रीय-शिक्षा-मन्त्री धर्मेन्द्र-प्रधानः अवदत् यत् प्रधानमन्त्री नरेन्द्र-मोदी-महोदयस्य नेतृत्वे राजस्थानं तथा ओडिशा च शीघ्रं प्रगतिपथे अग्रे गच्छतः। “एक-भारत-श्रेष्ठ-भारत” इति लक्ष्यस्य पूर्तये राजस्थान-ओडिशयोः निवेश-अवसराः वर्धन्ते। सः अवदत् यत् मारवाड़-महोत्सवस्य आयोजनात् अस्माकं सांस्कृतिक-विरासत् अधिकं सुदृढा भविष्यति।
---------------
हिन्दुस्थान समाचार / अंशु गुप्ता