Enter your Email Address to subscribe to our newsletters
रायपुरम्, 23 दिसंबरमासः (हि.स.)।महासमुन्दजनपदे सर्वेषु उपार्जनकेन्द्रेषु धान्यक्रयणस्य कार्यं सुचारुरूपेण पारदर्शीरूपेण च सञ्चालितं भवति। अस्यैव क्रमस्य अन्तर्गतं महासमुन्दजनपदे स्थितायां ग्रामीणसेवासहकारीसमितौ मर्यादितायां कनेकेरा (शेर) इत्यत्र अपि धान्योपार्जनस्य कार्यं निरन्तरं सम्यग् रूपेण प्रवर्तते। समितेः प्रबन्धकः परमेश्वरयादवः सूचनां दत्त्वा अवदत् यत् अद्य समितौ एकोनत्रिंशत् कृषकैः सप्तदशशतसप्तसप्ततिः क्विण्टलपरिमितस्य धान्यस्य कृते टोकनव्यवस्था कृता।
सः एतत् अपि अवदत् यत् अद्यावधि समितौ पञ्चषष्ट्यधिकपञ्चशतकृषकैः एकत्र एकत्रिंशत्सहस्रं चतुशताष्टत्रिंशत् क्विण्टलपरिमितं धान्यं विक्रितम् अस्ति। तस्मात् उपार्जितधान्यात् पञ्चदशसहस्रं षट्शतविंशतिः क्विण्टलपरिमितस्य स्थूलधान्यस्य उत्थापनम् अपि सफलतया सम्पन्नं, येन कृषकाणां काचिदपि असुविधा न जायते। भुगतानप्रक्रिया अपि सुरक्षिताऽस्ति विश्वासार्हा च, येन कृषकाणां शासनं प्रति विश्वासः अधिकं दृढीभूतः।
एवं सुव्यवस्थितायाः धान्योपार्जनप्रक्रियायाः लाभः ग्रामभलेसरनिवासिनः कृषकस्य लाभारामसाहोः अपि अभवत्। साहूः अवदत् यत् तेन ऑनलाइनमाध्यमेन टोकन इति प्राप्य अद्य अशीतिदशांशशून्यशून्य क्विण्टलपरिमितस्य धान्यस्य विक्रयणं कृतम्। तस्य समीपे अष्टएकडपरिमिता कृषिभूमिः अस्ति। सः अवदत् यत् ऑनलाइनटोकनव्यवस्थया समये एव मापनं, पारदर्शी प्रक्रिया, तथा कस्यापि क्लेशस्य अभावे धान्यविक्रयणस्य सुविधा लब्धा। अस्याः सुविधायाः कृते तेन राज्यशासनस्य कृते धन्यवादः ज्ञापितः।
एवमेव ग्रामबकमानिवासी कृषकः घनश्यामः चन्द्राकरः अवदत् यत् तस्य अशीतिएकडपरिमिता भूमिः अस्ति, तथा अद्यावधि द्विसहस्रं क्विण्टलपरिमितं धान्यं तेन विक्रितम्। सः अवदत् यत् धान्यविक्रयप्रक्रिया पूर्णतया सरलाऽभवत्, तथा विक्रयणस्य धनराशिः समये एव तस्य वित्तकोषे प्रत्यक्षरूपेण प्राप्ता। अग्रे अपि शेषधान्यविक्रयणविषये सः पूर्णतया आश्वस्तः अस्ति। कृषकाणां परिश्रमस्य समये एव उचितमूल्यप्राप्त्या ते सर्वे सन्तुष्टाः सन्ति।
हिन्दुस्थान समाचार / अंशु गुप्ता