Enter your Email Address to subscribe to our newsletters
बांसवाड़ा, 23 दिसंबरमासः (हि.स.)।
विवेकानन्दकेन्द्रस्य कन्याकुमारीस्थितस्य अखिलभारतीयोपाध्यक्षा निवेदिताभिड़ेमहोदया बांसवाड़ाजनपदे जनजातीयप्रदेशेषु प्रवासकाले लोकमङ्गलाय जगत्कल्याणाय च सर्वस्वसमर्पणस्य आह्वानं कृतवती।
जनजातीनां प्रमुखे तीर्थस्थाने घोटिया आम्बा धाम्नि आयोजितायां उपवेशने सा साधुसन्तैः भगद्भिश्च सह सामाजिकराष्ट्रहितविषयेषु गहनं विचारविमर्शं कृतवती।
भिड़ेमहोदया जनजातीयप्रदेशेषु रचनात्मकक्रियाकलापानां विस्तारं संस्कारसंवहनस्य प्रयासान् च योजनाबद्धरूपेण तीव्रं कर्तुं संकल्पं व्यक्तवती। केन्द्रेण सञ्चालितस्य ‘आनन्दालय’ इति प्रकल्पस्य विवरणं प्रदाय सा शिक्षया नैतिकमूल्यैश्च समाजे जातं सकारात्मकपरिवर्तनं रेखाङ्कितवती। सा अवदत् यत् विवेकानन्दकेन्द्रं स्वलक्ष्यानुसारं धर्मजागरणमार्गे निरन्तरं अग्रसरं भविष्यति।
तस्मिन् कार्यक्रमे पश्चिमप्रदेशीयजनजातिसेवाप्रकल्पस्य संयोजकः तथा च बडा रामद्वारस्थः सन्तः रामप्रकाश रामस्नेही महाराजः अपि स्वविचारान् व्यक्तवान्। सः धूणीधामान् धर्मजागरणस्य धर्मरक्षणस्य च प्रमुखकेन्द्ररूपेण विकासयितुं अवदत्। अपि च सन्तान् प्रति आग्रहं कृतवान् यत् ते निरन्तरप्रवासं कृत्वा जनजागरणक्रियाकलापानां विस्तारं कुर्वन्तु।
कार्यक्रमे प्रान्तसञ्चालिका शकुन्तलादीदी, प्रान्तप्रमुखः भगवानसिंहः, प्रान्तसंगठिका शीतलदीदी, सहसञ्चालकः डॉ. गङ्गहरिविष्णुदिवाकरः, भीलवाड़ानगरप्रमुखः भूपेन्द्रजोशी, निधिप्रमुखः अविनाशपारीकः, जयपुरविभागसहयोगप्रमुखः रविभांभी, भीलवाड़ानगरसंगठिका सङ्गीतादीदी, प्रकल्पसहप्रमुखः जयगिरिराजसिंहचौहानः, व्यवस्थाप्रमुखः कमलभट्टः इत्यादयः अनेके गणमान्यनागरिकाः उपस्थिताः आसन्।
---------------
हिन्दुस्थान समाचार / अंशु गुप्ता