जेद्दा, 23 दिसंबरमासः (हि.स.)।इटलीदेशस्य वर्तमानः सेरी ए चैंपियन-नेपोलीदलः सोमवासरे इटालियन सुपरकप इत्यस्य उपाधिः स्वकीयम् अकरोत्। अन्तिमस्पर्धायां नेपोलीदलः बोलोन्या दलं 2–0 अङ्केन पराजितवान्। एषा स्पर्धा सऊदी अरबदेशस्य जेद्दानगरे स्थिते अल्-अव्वाल् पार्के आयोजिताभवत्। इदं नेपोलीदलस्य इटालियन सुपर कप इत्यस्मिन् तृतीया उपाधिः अस्ति। अनेन पूर्वं दलः 1990 तथा 2014 तमे वर्षे एतां ट्रॉफीं जितवान् आसीत्।

ब्राजीलदेशीयः विंगर् डेविड् नेरेस् उत्कृष्टं प्रदर्शनं कृत्वा उभौ गोलौ अकरोत्। सः प्रथमभागे दूरात् सुन्दरं कर्लिङ् शॉट् प्रहृत्य नेपोलीदलाय अग्रतां दत्तवान्। ततः द्वितीयभागे बोलोन्या दलस्य गोलरक्षकस्य फेडेरिको रावाग्लियायाः दुर्बलां पास् अवरोध्य नेरेस् द्वितीयं गोलं कृत्वा दलस्य विजयम् सुनिश्चितवान्।

नेरेस् अस्मिन् स्पर्धायां समग्रतया त्रयः गोलाः अकरोत्। अस्य पूर्वं सः एसी मिलान दलस्य विरुद्धं क्रीडिते सेमीफाइनल् मुकाबलेऽपि 2–0 विजयकाले एकं गोलं कृतवान् आसीत्। स्पर्धानन्तरं नेपोलीदलस्य प्रशिक्षकः एण्टोनियो कॉन्ते अवदत्— “क्रीडकेभ्यः अभिनन्दनं दातव्यम्। तैः दर्शितं यत् ते प्रशंसकानां कृते एतां ट्रॉफीं कियत् उत्कण्ठया जेतुम् इच्छन्ति। अधुना अस्माकं समीपे उत्सवस्य एकं महत् अवसरम् अस्ति।”

परम्परया सेरी ए तथा इटालियन कप विजयोः मध्ये आयोज्यमानः इटालियन सुपर कपः, 2023 तमे वर्षात् लीग् तथा कपस्य उपविजेतृदलान् अपि समावेश्य चतुर्दलीयः स्पर्धारूपेण परिवर्तितः अस्ति। एषा स्पर्धा 2029 तमे वर्षपर्यन्तं सऊदी अरबदेशे आयोजिता भविष्यति।

वर्तमानकाले नेपोलीदलः सेरी ए तालिकायां शीर्षस्थे इंटर मिलान दलात् द्वौ अङ्कौ पृष्ठतः अस्ति, तथा आगामि रविवासरे क्रेमोनेसे दलस्य विरुद्धं स्वस्य अग्रिमं लीग् मुकाबलं क्रीडिष्यति। अपरत्र बोलोन्या दलः स्वगृहमैदाने सासुओलो दलस्य सामना करिष्यति।

---------------

हिन्दुस्थान समाचार / अंशु गुप्ता