Enter your Email Address to subscribe to our newsletters
लखनऊ, 23 दिसंबरमासः (हि.स.)।उत्तरप्रदेशविधानसभायाः शीतकालीनसत्रस्य तृतीयदिने मङ्गलवासरे एसआईआर् विषयः अपि प्रबलतया उद्भूतः। विपक्षपक्षस्य केचन सदस्याः एसआईआर् प्रक्रियायाः विषये प्रश्नान् उत्थापितवन्तः, केचन च तस्मिन् संशोधनस्य अपेक्षां व्यक्तवन्तः। तथापि सरकारपक्षस्य वक्तव्यं श्रुत्वा नियम ५६ अन्तर्गतं ग्राह्यतार्थं प्रस्तुतः अयं विषयः पीठेन अग्राह्यः कृतः।
मङ्गलवासरे उत्तरप्रदेशविधानसभायां प्रश्नकालानन्तरं काँग्रेस् दलस्य नेतृ आराधना मिश्र मोना महोदया एसआईआर् विषयं सदने उत्थापितवती। सा नियमस्य ५६ अन्तर्गतं एसआईआर् विषये चर्चां कर्तुं आगृहीतवती। ग्राह्यताविषये सदने उभयपक्षाभ्यां स्वस्वमतं प्रस्तुतम्। विपक्षानन्तरं सरकारपक्षं निरूपयन् वित्त एवं संसदीय कार्य मन्त्री सुरेश खन्ना महोदयः अवदत् यत् एसआईआर् सम्पूर्णा प्रक्रिया निर्वाचनायोगस्य नियन्त्रणे एव सम्पाद्यते। बीएलओ कर्मिणां मृत्युविषये तु एतत् अनुसन्धानस्य विषयः अस्ति। केवलं कर्तव्यपालनकारणेन एव कस्यचित् मृत्युः अभवत् इति वक्तुं न शक्यते। अस्माकं सरकारस्य संवेदना तेषां परिवाराणां प्रति अस्ति येन केनापि कारणेन स्वजनान् गमितवन्तः। एतत् सर्वं अत्यन्तं दुःखदम् अस्ति। एसआईआर् निर्वाचनायोगस्य पर्यवेक्षणे सम्पन्नः भवति। अस्मिन् विषये चर्चा न कर्तुं शक्यते। उभयपक्षयोः वक्तव्यं श्रुत्वा पीठेन अयं विषयः अग्राह्यः कृतः।
आरक्षणस्य पालनं क्रियते इति सुरेश खन्ना
उत्तरप्रदेशविधानसभायां आरक्षणविषयः अपि उद्भूतः। नियम ५६ अन्तर्गतं ग्राह्यतार्थं सदने प्रस्तुतस्य आरक्षणे गडबडीविषयस्य विषये भाषमाणः वित्त एवं संसदीय कार्य मन्त्री सुरेश खन्ना महोदयः अवदत् यत् योगीसरकारे आरक्षणनियमानां पूर्णतया पालनं क्रियते। आरक्षणे गडबडी इति प्रश्नः एव नास्ति।
पूर्वं समाजवादीदलस्य वरिष्ठसदस्यः डॉ. संग्राम यादव महोदयः सर्वकारं प्रति आरोपं कृतवान् यत् पृष्ठवर्गीयाः दलिताश्च शासकीयसेवायां मानकानुसारं आरक्षणलाभं न प्राप्नुवन्ति। सः पशुपालनविभागे सम्पन्नां नियुक्तिं तथा विज्ञापनं च उल्लिखितवान्। समाजवादीदलस्य अन्यः सदस्यः सन्दीप सिंह महोदयः अपि आरक्षणविषये चर्चां कर्तुं मागं कृतवान्। तथापि सत्तापक्षं विपक्षं च श्रुत्वा पीठेन अयमपि विषयः अग्राह्यः कृतः।
हिन्दुस्थान समाचार