Enter your Email Address to subscribe to our newsletters
पश्चिमी सिंहभूमः, 24 दिसंबर मांसः(हि.स.)।
अटलस्मृतिफुटबॉलप्रतियोगितायाः समापनावसरे झारखण्डराज्यस्य पूर्वमुख्यमन्त्री रघुवरदासः चाईबासानगरं प्राप्तवान्। तत्र सः राज्यसरकारं लक्ष्यीकृत्य तीव्रं प्रहारं कृतवान्। मङ्गलवासरे रात्रौ पत्रकारैः पृष्टे प्रश्नेषु, चाईबासास्थिते सदरचिकित्सालये उपचारकालस्य मध्ये चतुर्मासीयस्य नवजातशिशोः मृत्युः जाता तथा च शववाहनस्य अनुपलब्धतायाः घटनायाः विषये, सः तस्य उत्तरदायित्वं हेमन्तसरकारायै अर्पितवान्।
रघुवरदासः अवदत् यत् या वर्तमानसरकारा स्वयम् आदिवासिनां सरकार इति कथयति, सा आदिवासिनां जीवनं नरकसदृशं कृतवती। सः अपि उक्तवान् यत् सदरचिकित्सालयसदृशी महत्त्वपूर्णा स्वास्थ्यसंस्था अस्ति, तत्र नवजातशिशोः मृत्योरनन्तरं शववाहनस्यापि अनुपलब्धता अत्यन्तं दुःखदं लज्जास्पदं च अस्ति।
विवशतया शिशोः पिता डिंबा चन्तोबा जनानां मध्ये चन्दां याचित्वा स्वस्य शिशोः शवम् थैलिकायां निधाय नोआमुंडीप्रखण्डस्य बालजोडीग्रामं नीतवान्। एषा घटना सर्वकारस्य असंवेदनशीलतां स्पष्टतया दर्शयति इति सः अवदत्।
पूर्वमुख्यमन्त्रिणोक्तं यत् एषा घटना राज्यस्य स्वास्थ्यव्यवस्थायाः दयनीयस्थितिं प्रकाशयति। सः आरोपं कृतवान् यत् सरकारा केवलं घोषणाः एव करोति, किन्तु भूमौ विद्यमाना वास्तविकस्थितिः ताभ्यः सर्वथा भिन्ना अस्ति। कथनं कर्म च मध्ये महान् अन्तरः दृश्यते।
अस्मिन्नेव अवसरे रघुवरदासः अवैधखननस्य विषयमपि उत्थापितवान्। सः अवदत् यत् पश्चिमसिंहभूमजिलायां अनेकानि खननस्थानानि बन्दानि सन्ति, तथापि अवैधरूपेणखननं निर्भयतया सार्वजनिकरूपेण प्रचलति। मुख्यमन्त्रिणः विधानसभाक्षेत्रेऽपि सरकारस्य संरक्षणेन अवैधखननं क्रियमाणम् अस्ति इति तेन आरोपितम्।
सः अपि अवदत् यत् अद्यतनकाले पूर्वमुख्यमन्त्री मधुकोडेन अवैधखनने संलग्ना एका वाहनिका गृहीत्वा थानं नीताभवत्, परन्तु पश्चात् सा वाहनिका मुक्ताभवत्। रघुवरदासः अवदत् यत् झारखण्डराज्यसर्वकारोऽधुना भ्रष्टाचाराणां सर्वकारोऽभवत्। अवैधखननं, स्वास्थ्यव्यवस्थायाः शिथिलावस्था, आदिवासिनां उपेक्षा च अस्याः सर्वकारस्य कार्यशैलीं स्पष्टतया प्रकाशयन्ति।
अन्ते सः सम्पूर्णप्रकरणस्य निष्पक्षानुसन्धानस्य तथा दोषिणां विरुद्धं कठोरकार्यवाह्याः कर्तव्यतां प्रबलरूपेण अभ्यर्थितवान्।
---------------
हिन्दुस्थान समाचार