Enter your Email Address to subscribe to our newsletters
नवेदहली, 24 दिसंबरमासः (हि.स.)। प्रधानमन्त्री नरेन्द्रमोदी श्वः (२५ दिसम्बर दिनाङ्के) उत्तरप्रदेशस्य राजधानी लखनऊ-नगरे पूर्वप्रधानमन्त्रिणः भारतरत्नस्य अटलविहारीवाजपेयीवर्यस्य १०१तमस्य जन्मजयन्त्याः अवसरे राष्ट्रप्रेरणास्थलस्य उद्घाटनं करिष्यति तथा जनसभां सम्बोधयिष्यति।
प्रधानमन्त्रिणः कार्यालयेन प्रदत्तसूचनानुसारं राष्ट्रप्रेरणास्थलम् स्वातन्त्र्योत्तरकाले भारतस्य प्रमुखराष्ट्रनायकानां न्यासस्य सम्मानार्थं विकसितः स्थायीः राष्ट्रियः स्मारक-परिसरः अस्ति। अयं परिसरः प्रायः २३० कोटि-रूप्यकव्ययेन निर्मितः अस्ति तथा ६५ एकड़-परिमिते क्षेत्रे विस्तीर्णः अस्ति।
अस्मिन् परिसरे डा. श्यामाप्रसादमुखर्जी, पण्डितदीनदयाल उपाध्यायः तथा अटलविहारीवाजपेयी—एतेषां राष्ट्रनायकानां ६५ फुट-उन्नताः कांस्यप्रतिमाः स्थापिताः सन्ति। अत्र कमलाकृत्या निर्मितम् अत्याधुनिकं संग्रहालयमपि अस्ति, यत् प्रायः ९८ सहस्र वर्गफुट-परिमिते क्षेत्रे विस्तीर्णम् अस्ति। अस्मिन् संग्रहालये डिजिटल-तथा अनुभूतिपरक-प्रौद्योगिक्या माध्यमेन भारतस्य राष्ट्रिययात्रा तथा नेतृत्वविरासतां प्रदर्श्यते।
---------------
हिन्दुस्थान समाचार / अंशु गुप्ता