नवदेहली, 24 दिसंबरमासः (हि.स.)। राष्ट्रपतिः द्रौपदी मुर्मुः भारतीयरक्षा-लेखासेवा (आईडीएएस) अधिकरीन् प्रति परिवर्त्यमान-सुरक्षा-परिदृश्यस्य अनुरूपं शीघ्रं, पारदर्शकं च प्रौद्योगिकी-आधारितं वित्तीय-प्रबन्धनं स्वीकर्तुं आह्वानं कृतवती। सा अवदत् यत् रक्षा-सेवानां परिचालन-तत्परता तथा च आत्मनिर्भर-रक्षा-परिस्थितिकी-तन्त्रस्य निर्माणे आईडीएएस-सेवायाः भूमिका अत्यन्तं महत्त्वपूर्णा अस्ति।

राष्ट्रपतिः बुधवासरे अत्र आईडीएएस-सेवायाः २०२४-वर्षस्य वर्षमूहस्य प्रोबेशनर्-अधिकरिणः संबोधयन्ती आसीत्। सा अवदत् यत् आईडीएएस-अधिकरिणः सशस्त्र-बलानां तथा च तेषां सम्बद्ध-संस्थासु वित्तीय-संसाधनानां प्रबन्धने प्रमुखां भूमिकां निर्वहन्ति।

राष्ट्रपतिः अवदत् यत् बजट्-व्यवस्था, लेखांकनम्, लेखा-परीक्षणम्, भुगतान-व्यवस्था, वित्तीय-परामर्शः तथा च रक्षा-व्यये पारदर्शितायाः सुनिश्चितिः—एतेषु सर्वेषु आईडीएएस-सेवायाः उत्तरदायित्वानि विस्तीर्णानि सन्ति, येषां प्रत्यक्षः प्रभावः रक्षा-सेवानां परिचालन-तत्परतायां तथा आधारभूत-संरचना-विकासे अपि दृश्यते। सा अधिकरिणः प्रति अपेक्षां प्रकटयामास यत् ते सशस्त्र-बलैः सम्मुखीभव्यमानाः विशिष्टानि आव्हानानि, कठिन-परिस्थितयः तथा परिचालन-यथार्थताः सम्यक् अवगच्छेयुः।

परिवर्त्यमानं भू-राजनैतिक-परिदृश्यं तथा उद्भवन्त्याः सुरक्षा-आह्वानानि उल्लिख्य राष्ट्रपतिः अवदत् यत् अद्यतन-काले शीघ्रं, विवेकपूर्णं च सटीकं निर्णय-ग्रहणं अत्यावश्यकम् अस्ति। अपि च कार्य-प्रणाल्यः अधिकाधिकं जटिलाः तथा प्रौद्योगिकी-आधारिताः भवन्ति; अतः रक्षा-लेखा-विभागेन निरन्तरम् अनुकूलनं, नवोन्मेषः तथा आधुनिकीकरणं च अग्रे नेतव्यम्।

सा ‘आत्मनिर्भर-भारत-अभियानम्’ अग्रे नेतुं आवश्यकतां प्रतिपादयन्ती अवदत् यत् स्वदेशी-उत्पादनस्य प्रोत्साहनम्, स्थानीय-आपूर्ति-श्रृङ्खलानां सुदृढीकरणम् तथा घरेलू-उद्योगस्य संवर्धनम् इदानीं समयस्य अपेक्षा अस्ति। अस्यां दिशि आईडीएएस-अधिकरिणः आत्मनिर्भरस्य सुदृढस्य च रक्षा-परिस्थितिकी-तन्त्रस्य निर्माणे प्रभावशालिनीं भूमिकां निर्वहन्तुं शक्नुवन्ति।

अन्ते राष्ट्रपतिः अधिकरिणः प्रति आजीवन-अध्ययन-भावनां धारयितुं, जिज्ञासवः भवितुं तथा आत्मविश्वासेन परिवर्तनं स्वीकर्तुं आह्वानं कृतवती। सा अवदत् यत् सेवायाः वास्तविकं मूल्यं न पदे न वा परिचये निहितम्, अपि तु संस्थानानां सुचारु-सञ्चालने तथा नागरिकाणां कल्याणाय निरन्तरं कृत-योगदाने निहितम् अस्ति।

---------------

हिन्दुस्थान समाचार / Dheeraj Maithani