Enter your Email Address to subscribe to our newsletters
हमीरपुरम्, 24 दिसंबरमासः (हि.स.)।
उत्तरप्रदेशराज्यस्य हमीरपुरनगरे बुधवासरसन्ध्याकाले विश्वहिन्दूपरिषदः कार्यकर्तारः बाङ्ग्लादेशे हिन्दूनां विरुद्धं प्रवर्तमानानां अत्याचाराणां तथा च दीपुचन्द्रदासस्य नृशंसहत्यायाः विरोधे प्रदर्शनं कृतवन्तः। तत्र बाङ्ग्लादेशसर्वकारस्य पुतलिकाया दहनं कृत्वा तीव्रः रोषः प्रकटितः।
प्रदर्शने विश्वहिन्दूपरिषदः जिलाध्यक्षः रामदत्तपाण्डेयः अवदत् यत् बाङ्ग्लादेशे हिन्दूनां गृहाणि आपणाḥ संस्थानानि पूजास्थलानि च विनाश्यन्ते, यत् अत्यन्तं घोरं चिन्ताजनकं च अस्ति। तत्रैव भारतीयजनतापक्षस्य पूर्वजिलाध्यक्षः सुनीलपाठकः अवदत् यत् भारतदेशः बाङ्ग्लामुक्तिवाहिन्या सह पाकिस्तानेन युद्धं कृत्वा सहस्रशः सैनिकानां रक्तत्यागेन बाङ्ग्लादेशस्य स्वातन्त्र्यं दत्तवान्, किन्तु अद्य स एव बाङ्ग्लादेशः हिन्दूनां रक्तपिपासुः जातः अस्ति।
जिलामन्त्री अवधेशशर्मा तथा धर्मजागरणप्रमुखः उमेशदीक्षितः स्वस्वसम्बोधने अवदताम् यत् अधुना वयं केवलं सामान्यहिन्दवः न, अपि तु दृढहिन्दवः भवितुं आवश्यकम् अस्ति। कार्यक्रमे सहजिलामन्त्री अजयहिगवासिया तथा सरस्वतीशरणद्विवेदी च जातिपात ऊँच्चनीचभेदं परित्यज्य सर्वान् हिन्दुभ्यः एकीकर्तुम् आह्वानं कृतवन्तौ।
अस्मिन् प्रदर्शने भुवनेशशुक्लः सुशीलसोनी सुनीलत्रिपाठी कौशलेन्द्रः इत्यादयः अन्ये च बहवः जनाः सहभागिनो भूताः, ये सर्वे मिलित्वा बसस्थानके बाङ्ग्लादेशसर्वकारस्य पुतलिकादहनं कृतवन्तः।
---------------
हिन्दुस्थान समाचार