Enter your Email Address to subscribe to our newsletters
— अष्टत्रिंशत्तमः कनिष्कदेव-गोरावाला-स्मृति-मीडिया-क्रिकेट-प्रतियोगिता
वाराणसी, 24 दिसम्बरमासः (हि.स.)। मैन्-आफ्-द-मैच् सुभाषरायस्य उत्कृष्टेन अविजित-अर्धशतकेन (चतुस्त्रिंशद्-गोलकैः षट्-चतुष्कैः द्वाभ्यां च षट्काभ्यां सह एकोनषष्टिः अङ्कान्) समर्थिता विद्या-भास्कर-एकादशी अष्टत्रिंशत्तमायां कनिष्कदेव-गोरावाला-स्मृति-मीडिया-क्रिकेट-प्रतियोगितायाः उद्घाटन-क्रीडायां पराड़कर-एकादशीं पञ्च-विकेटैः पराजितवती।
बुधवासरे सिगरा-स्थिते डाॅ. सम्पूर्णानन्द-क्रीडा-संकुले पूर्वं क्रीडमाना पराड़कर-एकादशी विंशतिः ओवर्-पर्यन्तं द्वौ विकेटौ विहाय सप्तपञ्चाशताधिकं शतम् (१५७) अङ्कान् अकुर्वत्। प्रशान्तः नाबादः एकोननवतिः (९१)अङ्कान्, सुरेन्द्र-तिवारीः नाबादः सप्तत्रिंशत् (३७) रनान् अकरोत्। विद्या-भास्कर-एकादश्या पक्षे अभिषेक-सिंहेन एकः विकेटः गृहीतः।
उत्तरं क्रीडायां प्रवृत्ता विद्या-भास्कर-एकादशी एकोनविंशतिः द्वि-दशांश-ओवर् (१९.२) मध्ये पञ्च-विकेटान् विहाय क्रीडां जितवती। ओमप्रकाश-सिंहेन विंशतिः (२०), अभिषेक-सिंहेन अष्टादश (१८), विनय-शंकर-सिंहेन दश (१०), सुब्रतो-मुखर्जिना द्वादश (१२), सुभाष-रायेन नाबादः चतुर्पञ्चाशत् (५४) तथा राजकुमारिणा अविजित एकादश (११) अङ्काः कृताः। पराड़कर-एकादश्या पक्षे धवल-चौरसियेन त्रयः विकेटाः, दीनबन्धु-रायेन पंकज-त्रिपाठीना च एकैकः विकेटः गृहीतः। मनोहरः राजेश-पटेलश्च निर्णायकौ आस्ताम्, नन्द-किशोरः आकलनकर्ता आसीत्।
तत्पूर्वं प्रतियोगितायाः शुभारम्भः समाजसेविना डाॅ. अरविन्द-सिंहेन कृतः। अस्मिन् अवसरे वाराणसी-प्रेस्-क्लबस्य अध्यक्षः चन्दन-रुपाणी, मन्त्री विनय-शंकर-सिंहः, कोषाध्यक्षः सन्दीप-गुप्तः, काशी-पत्रकार-संघस्य अध्यक्षः अरुण-मिश्रः, महामन्त्री जितेन्द्र-श्रीवास्तवः, कोषाध्यक्षः जयप्रकाश-श्रीवास्तवः, क्रीडा-संयोजकः कृष्ण-बहादुर-रावतः, संघस्य पूर्वाध्यक्षः विकास-पाठकः, योगेश-कुमार-गुप्तः, केडीएन-रायः, सुभाष-सिंहः, डाॅ. अत्रि-भारद्वाजः, वरिष्ठ-पत्रकारः शुभाकर-दुबे, रतन-सिंहः, आशीष-बागची इत्यादयः उपस्थिताः आसन्। गुरुवासरे हृदय-प्रकाश-एकादशी तथा लालजी-एकादशीयोः मध्ये क्रीडा पूर्वाह्णे दश-त्रिंशत् (१०.३०) वादनात् आरभ्यते।
हिन्दुस्थान समाचार / अंशु गुप्ता