Enter your Email Address to subscribe to our newsletters
ग्वालियरम्, 25 दिसंबरमासः (हि.स.)। केन्द्रीय गृहमन्त्री अमितशाहः ‘अभ्युदय मध्यप्रदेश ग्रोथ् समिट्’ इति कार्यक्रमस्य अन्तर्गतं गुरुवासरे ग्वालियरनगरे द्विलक्षकोटिरूप्यकमूल्यकानां परियोजनानां भूमिपूजनं लोकार्पणं च अकरोत्। पूर्व-प्रधानमन्त्री भारतरत्न अटल बिहारी मवाजपेयी-महोदयस्य एकोत्तरशततम-जन्मजयन्त्यवसरे मध्यप्रदेशस्य ग्वालियर-नगरे मेला-प्राङ्गणे ‘अभ्युदय मध्यप्रदेश् ग्रोथ् समिट्’ इति कार्यक्रमस्य शुभारम्भः गुरुवासरे केन्द्रीय गृहमन्त्री अमितशाहेन तथा मुख्यमंत्रीणा डॉ. मोहनयादवेन अटलजी-महोदयस्य चित्रे पुष्पाञ्जलिम् अर्पयित्वा कृतः। अस्मिन् अवसरे प्रायः द्विलक्षकोटिरूप्यकमूल्यकानाम् औद्योगिक-परियोजनानां लोकार्पण-भूमिपूजनाभ्यां राज्ये प्रायः एक-लक्ष-त्रिनवतिसहस्र (१.९३ लक्ष) रोजगार-अवसराणां सृजनस्य सम्भावना विद्यते।
केन्द्रीयगृहमन्त्री अमितशाहः तथा मुख्यमंत्री डॉ. मोहन यादवः मध्यप्रदेश् ग्रोथ् समिट्-अन्तर्गतं स्थापितायाः प्रदर्शिन्याः अवलोकनं कृतवन्तौ। समिट्-अवसरे केन्द्रीय गृहमन्त्रीणा ग्वालियर-मेलायाः उद्घाटनं कृतं, तथा अटल-संग्रहालयस्य नवीनीकरण-कार्यम् अपि जनसामान्याय समर्पितम्। अस्मिन् समिट्-कार्यक्रमे प्रायः पञ्चविंशतिसहस्र लाभार्थिनः तथा सहस्रशः उद्यमिनः निवेशकाः च सहभागिनः सन्ति। अस्य कार्यक्रमस्य मुख्योद्देश्यं राज्ये निवेश-वर्धनं तथा औद्योगिक-विकासाय नूतना दिशा प्रदानं इति। कार्यक्रमे केन्द्रीय सञ्चारमन्त्री ज्योतिरादित्यः सिन्धिया, विधानसभाध्यक्षः नरेन्द्रसिंहः तोमरः, प्रदेशभाजपाध्यक्षः हेमन्तः खण्डेलवालः इत्यादयः अनेके वरिष्ठ-मन्त्रिणः जनप्रतिनिधयः च उपस्थिताः आसन्। अस्मिन् अवसरे अमितशाहः ज्योतिरादित्यं सिन्धियाम् “राजा-साहब” इति सम्बोधितवान्। मञ्चात् एतत् श्रुत्वा जनसमूहः प्रचुर-तालिकाभिः हर्षं व्यक्तवान्। अनन्तरं सः अवदत् यत् ग्वालियर-भूमिः साधारण-भूमिः नास्ति। एषा सा भूमिः यत्र तानसेन-महोदयस्य जन्म अभवत्, तथा ग्वालियर-परिवारस्य अनेके महान्तः सङ्गीतज्ञाः तपस्या-अनुष्ठानं कृतवन्तः। सः उक्तवान् यत् एषैव भूमिः अटल बिहारी वाजपेयी-सदृशं महान् नेतारं देशाय दत्तवती। अत्रैव संघर्षं कृत्वा अटलजी सम्पूर्ण-देशस्य स्नेह-पात्रं जातः।
अमितशाहः अवदत् यत् मध्यप्रदेशे देशस्य सर्वाधिकः आदिवासी-जनसंख्या निवसति। अटलजी-पूर्वं आदिवासि-कल्याणार्थं न काचित् प्रामाणिकयोजना आसीत्, न च पृथक् विभागः आसीत्, येन तेषां विकास-उत्थान-कार्यं सम्यक् साध्येत। अटल बिहारी वाजपेयी-महोदयेन आदिवासि-कल्याणार्थं पृथक् आदिवासी-विभागस्य गठनं कृत्वा तेषां अधिकाराः सुदृढीकृताः।
मुख्यमंत्री डॉ. मोहनयादवः अवदत् यत् प्रधानमन्त्री नरेन्द्र मोदी-महोदयस्य मार्गदर्शनेन मध्यप्रदेश-सर्वकारः ‘विकसित-भारत’ लक्ष्यस्य प्राप्तये तथा देशं विश्वस्य तृतीय-सर्वाधिक-अर्थव्यवस्था-रूपेण स्थापयितुं महत्त्वपूर्णं योगदानं ददाति। राज्य-सर्वकारस्य मते अयं ग्रोथ् समिट् केवलं निवेश-प्रस्तावेषु औद्योगिक-घोषणासु च सीमितः नास्ति, अपि तु उद्योगः, नगरीय-विकासः, पर्यटनम्, सूक्ष्म-लघु-मध्यम-उद्योगाः (एम्.एस्.एम्.ई.), स्टार्टअप् तथा रोजगारः—एतान् सर्वान् एकत्र अग्रे नयितुं समग्र-दृष्टिं प्रस्तुतयति। अस्य समिट्-माध्यमेन मध्यप्रदेशस्य विकास-प्रारुपं नूतनेन व्यापक-दृष्टिकोणेन देशस्य विश्वस्य च समक्षं प्रस्तुत्यते।_____________________
हिन्दुस्थान समाचार / अंशु गुप्ता