Enter your Email Address to subscribe to our newsletters
नवदेहली, 25 दिसंबरमासः (हि.स.)।
आरोह–अवरोहैः परिपूर्णात् २०२५ वर्षात् अनन्तरं भारतीय-पुरुष-क्रिकेट्-दलस्य समक्षे २०२६ वर्षे अत्यन्तं व्यस्तः क्रीडा-कार्यक्रमः भविष्यति। अस्मिन् वर्षे प्रमुखा विशेषता भविष्यति—स्वदेशीय-परिस्थितिषु आयोजितस्य टी–२० विश्वकपस्य उपाधि-रक्षणस्य आव्हानानि, बहुसंख्यक-एकदिवसीय-प्रतिस्पर्धा, तथा विदेशीय-भूमौ विश्व-परीक्षण-चैम्पियनशिप् (डब्ल्यूटीसी) अन्तर्गतं कठिनाः परीक्षणाः।
२०२५ वर्षं भारताय स्मरणीयं आसीत्। दुबई-नगरे आयोजितायां चैम्पियन्स्-ट्रॉफी प्रतियोगितायां भारतीय-दलेन उत्कृष्टं प्रदर्शनं कृत्वा उपाधिः अर्जिता, यत्र चतुर्णां स्पिन्-क्षेपका लनां रणनीतिः अत्यन्तं सफलाभवत्। टी–२० अन्ताराष्ट्रिय-क्रीडायामपि भारतस्य प्रगतिर्निरन्तरं प्रवृत्ता, स्वदेशीयेषु विदेशीयेषु च भ्रमणेषु द्विपक्षीय-श्रृङ्खलासु विजयः, एशिया-कप् प्रतियोगितायामपि सफलता प्राप्ता; तथापि अद्यापि टी–२० विश्वकपस्य ट्रॉफी हस्तगताऽभवत्।
परीक्षण-क्रिकेट् (टेस्ट्-क्रिकेट्) क्षेत्रे भारतस्य प्रदर्शनं मिश्रितम् आसीत्। सिड्नी-नगरे आस्ट्रेलिया-दलेन सह पराजयेन सह भारतः बॉर्डर–गावस्कर्-ट्रॉफी-श्रृङ्खलायां ३–१ अङ्केन पराजितः, येन विश्व-परीक्षण-चैम्पियनशिप्-मुख्य-प्रवेशस्य आशा अपि समाप्ता। अस्मिन्नेव काले विराट्-कोहली, रोहित्-शर्मा, चेतेश्वर्-पुजारा च परीक्षण-क्रिकेट्-सेवायाः संन्यासं कृतवन्तः, येन दले महत्त्वपूर्ण-परिवर्तनस्य आरम्भः अभवत्।
तदनन्तरं शुभमनः गिल् नवीनः परीक्षण-दल-नायकः नियुक्तः, पश्चात् एकदिवसीय-दलस्य नेतृत्वं अपि तेन स्वीकृतम्। इङ्ग्लैण्ड्-देशे २–२ समतायां समाप्तायाः श्रृङ्खलायाः अनन्तरं भारतः स्वदेशे वेस्ट्-इण्डीज्-दलम् २–० अङ्केन पराजितवान्। तथापि न्यूज़ीलैण्ड्-दलेन प्रदत्ता ३–० पराजय-स्मृतिः तदा पुनः जागरिता, यदा दक्षिण-अफ्रीका-दलेन भारतः २–० अङ्केन पराजितः। परीक्षण-दले अद्यापि बल्लेबाजी-क्रमे स्थैर्याभावः दृश्यते, निरन्तर-प्रयोगैः भूमिका-स्पष्टता दीर्घकालीन-योजनाऽपि प्रश्नांकिता।
२०२६ वर्षे भारतस्य मुख्य-केन्द्रबिन्दुः टी–२० क्रिकेट् भविष्यति, टी–२० विश्वकपानन्तरं च एकदिवसीय-स्वरूपे अधिकं ध्यानं दास्यते। वर्षस्य आरम्भे न्यूज़ीलैण्ड्-दलः त्रयः एकदिवसीयाः, पञ्च टी–२० अन्ताराष्ट्रिय-प्रतिस्पर्धां च कर्तुं भारतं आगमिष्यति। ततः ७ फेब्रुवरीतः ८ मार्चपर्यन्तं भारत–श्रीलङ्का-संयुक्त-आयोजनायां टी–२० विश्वकप् प्रतियोगिता भविष्यति। सूर्यकुमारयादवस्य नेतृत्वे भारतः अस्य प्रतियोगितायां उपाधि-रक्षक-दलरूपेण अवतीर्यिष्यति। वर्तमान-रूपं क्रीडकानां उपलब्धता च दृष्ट्वा भारतस्य उपाधि-रक्षणस्य सुवर्ण-अवसरः विद्यते। यदि भारतः एतत् साधयिष्यति, तर्हि स्वदेशे टी–२० विश्वकप्-विजेता प्रथमः दलः भविष्यति, समग्रतया त्रिवारं उपाधि-विजयी एकमात्रः दलः च भविष्यति।
टी–२० विश्वकप् तथा आईपीएल्–२०२६ अनन्तरं जून्-मासे अफगानिस्तान्-दलः (डब्ल्यूटीसी-चक्रात् बहिः) एकं परीक्षणं तथा त्रयः एकदिवसीयाः क्रीडाः कर्तुं भारतं आगमिष्यति। ततः जुलाई-मासे भारतः इङ्ग्लैण्ड्-दलेन सह त्रयः एकदिवसीयाः, पञ्च टी–२० श्वेत-कन्दुक-श्रृङ्खलां खेलिष्यति। विश्व-परीक्षण-चैम्पियनशिप्–२०२६ अन्तर्गतं भारतस्य परीक्षण-चुनौतयः अगस्त्-मासे श्रीलङ्का-भ्रमणेन आरभ्यन्ते, यत्र द्वौ परीक्षण-प्रतिस्पर्ध्यांमध्ये भविष्यतः। एषः भ्रमणः विशेषतः महत्त्वपूर्णः, यतः स्पिन्-अनुकूल-पिचेषु स्पिन्-गोलन्दाजानां विरुद्धं भारतस्य प्रदर्शनं अद्यापि चिन्ताजनकम्।
सितम्बर्-मासे संयुक्त-अरब-अमीरात्-देशे अफगानिस्तान्-दलेन सह त्रयः टी–२० प्रतिस्पर्धा सम्भाव्याः सन्ति। बाङ्ग्लादेश्-भ्रमणस्य विषये अनिश्चितता विद्यते, वर्तमान-परिस्थितीनां कारणात् एषः भ्रमणः स्थगितः भवेत्। अतिरिक्तं १९ सितम्बरतः ४ अक्टूबरपर्यन्तं जापान्-देशस्य आइची–नागोया-नगरे आयोजितेषु एशियायी-क्रीडासु टी–२० मुकाबलेषु भारतस्य द्वितीय-पङ्क्ति-दलस्य सहभागिता सम्भाव्यते।
भारतस्य स्वदेशीयः सत्रः सितम्बर्–अक्टोबर्-मासयोः वेस्ट्-इण्डीज्-दलेन सह त्रयः एकदिवसीयाः, पञ्च टी–२० प्रतिस्पर्धाभिः आरभ्यिष्यते। ततः अक्टोबर्–नवम्बर्-मासयोः भारतः न्यूज़ीलैण्ड्-देशस्य कठिनं विदेशीय-भ्रमणं करिष्यति, यत्र द्वौ परीक्षणाः, त्रयः एकदिवसीयाः, पञ्च टी–२०प्रतिस्पर्धाः च भविष्यन्ति।
वर्षान्ते डिसेम्बर्-मासे भारतः श्रीलङ्का-दलस्य आतिथ्यं करिष्यति, यत्र त्रयः एकदिवसीयाः, त्रयः टी–२० प्रतिस्पर्धाः च भविष्यन्ति। एषा श्रृङ्खला २०२७ एकदिवसीय-विश्वकपस्य सिद्धता-दृष्ट्या अत्यन्तं महत्त्वपूर्णा मन्यते।
त्रिषु क्रीडा-स्वरूपेषु निरन्तरं व्यस्तस्य कार्यक्रमस्य मध्ये क्रीडकानां तथा दल-प्रबन्धनस्य कार्यभार-प्रबन्धनं अत्यावश्यकं भविष्यति, येन भारतः द्विपक्षीय-श्रृङ्खलासु महतीषु प्रतियोगितासु च उपाधि-विजयस्य लक्ष्येन सह निरन्तरं उत्कृष्टं प्रदर्शनं कर्तुं शक्नोति।
---------------
हिन्दुस्थान समाचार / अंशु गुप्ता