Enter your Email Address to subscribe to our newsletters
प्रधानमन्त्री दिल्ली-नगरे स्थिते कैथेड्रल-चर्च इत्यत्र आयोजितायां विशेषप्रार्थना-सभायां सहभागिताम् अकरोत्।
नवदेहली, 25 दिसंबरमासः (हि.स.)। राष्ट्रपतिः द्रौपदी मुर्मु, उपराष्ट्रपतिः सी. पी. राधाकृष्णन, प्रधानमन्त्री नरेन्द्रमोदी, काङ्ग्रेस-दलाध्यक्षः मल्लिकार्जुन खरगे, लोकसभायां विपक्षनेता राहुलगांधी इत्यादयः सर्वे प्रमुखाः नेतारः गुरुवासरे क्रिसमस-पर्वणि प्रेमकरुणा-शान्ति-सेवा-राष्ट्रीयैक्यस्य सन्देशं प्रदाय देशवासिनः अभिनन्दितवन्तः। अस्मिन्नेव अवसरे प्रधानमन्त्री नरेन्द्र मोदी देहली-नगरे स्थितेषु प्राचीनतमेषु गिरिजागृहेषु एकस्मिन् कैथेड्रल-चर्चे आयोजितायां विशेषप्रार्थनासभायां सहभागितां कृत्वा देशवासिनां सुख-समृद्ध्यै कामनाम् अकरोत्।
राष्ट्रपतिः स्वस्य एक्स-पोस्टे अलिखत् यत् क्रिसमसस्य शुभावसरे सा सर्वान् देशवासिनः, विशेषतः ईसाई-भ्रातॄन् भगिनीश्च, हार्दिकाभिनन्दनैः अभिनन्दति। हर्षोल्लासपूर्णं एतत् पर्व प्रेम-करुणयोः सन्देशं ददाति तथा मानवताया हितार्थं प्रभु-ईसा-मसीहेन कृतस्य बलिदानस्य स्मरणं करोत्। सा समाजे शान्ति-सद्भाव-समानता-सेवाभावस्य सुदृढीकरणाय संकल्पं ग्रहीतुं प्रेरणाम् अदात्।
उपराष्ट्रपतिः सी. पी. राधाकृष्णन अपि सर्वेभ्यः क्रिसमसस्य शुभकामनाः प्रदाय आशा-प्रेम-दयालुताभिः परिपूर्णस्य उत्सवस्य कामनाम् अकरोत्। तेन उक्तं यत् प्रभुईसामसीहस्य सन्देशः अस्मान् सुदृढानां संवेदनशीलानां समुदायानां निर्माणाय तथा स्थायी-शान्त्यै प्रेरयतु। प्रधानमन्त्री नरेन्द्रमोदी देहली-नगरे स्थितं प्राचीनं भव्यं च कैथेड्रल-चर्चम् आगत्य तत्र आयोजितायां विशेष-प्रार्थना-सभायां सहभागितां अकरोत् तथा देशवासिनां सुख-समृद्ध्यै प्रार्थनां चकार। अस्मिन् अवसरॆ चर्चस्य पादरिभिः तस्य पुरतः प्रार्थनाः अपि कृताः।
प्रधानमन्त्रीणाऽपि एक्स-लेखे उक्तं यत् सः सर्वेभ्यः शान्ति-करुणा-आशाभिः परिपूर्णस्य क्रिसमसस्य हार्दिकाः शुभकामनाः ददाति। प्रभु-ईसा-मसीहस्य शिक्षाः अस्माकं समाजे सद्भावं अधिकं सुदृढं कुर्वन्तु, तथा एतत् पर्व दया-सद्भावनायाः प्रति सामूहिक-प्रतिबद्धतां नवजीवनं ददातु।
काङ्ग्रेस-दलाध्यक्षः मल्लिकार्जुन खरगे अपि सर्वान् नागरिकान् क्रिसमसस्य शुभकामनाभिः अभिनन्द्य अवदत् यत् प्रभु-ईसा-मसीहस्य जन्म एतत् पवित्रं पर्व प्रेम-करुणा-क्षमाशान्ति-ऐक्यादीनां शाश्वतानां मूल्यानां आत्मसात्-करणाय प्रेरयति। अयं अवसरः मानवीय-समरस-समाजस्य निर्माणाय सामूहिक-संकल्पं सुदृढं करोतु तथा सर्वेषां जीवने आशा-सुखसमृद्धिम् आनयतु।
लोकसभायां विपक्षनेता राहुलगांधी अपि सर्वेभ्यः क्रिसमसस्य अभिनन्दनं कृत्वा अवदत् यत् अयं कालः सर्वेषां जीवने आनन्दं सुखं समृद्धिं प्रेम करुणां च आनयतु। काङ्ग्रेस-महासचिवा प्रियङ्का गांधी अपि लिखितवती यत् प्रेम-करुणा-आशायाः सन्देशः सर्वान् मार्गदर्शयतु इति, तथा सर्वेभ्यः क्रिसमसस्य हार्दिकाः शुभकामनाः अदात्।
---------------
हिन्दुस्थान समाचार / अंशु गुप्ता