Enter your Email Address to subscribe to our newsletters
महानटस्य धर्मेन्द्रस्य निधनानन्तरं तस्य पुत्रः सनी देओल् शीघ्रमेव प्रथमवारं माध्यमेषु समुपस्थातुं शक्नोति। वार्ताः सूचयन्ति यत् सनी देओल् स्वभ्राता बॉबी देओल् सह पितुः अन्तिमचलच्चित्रस्य “इक्कीस” इति विशेषप्रदर्शनं आयोजयितुं प्रवृत्तौ स्तः। तस्मिन्नेव प्रसङ्गे उभौ भ्रातरौ माध्यमान् सम्बोधितुं गमिष्यतः। धर्मेन्द्रस्य निधनानन्तरं वार्तासंप्रेषणं प्रति सनी देओल् माध्यमैः पैपराजीभिः च अप्रसन्नः आसीत् इति उक्तम्, अतः एषः तस्य प्रथमः सार्वजनिकः वक्तव्यः भविष्यति इति मन्यते।
धर्मेन्द्रस्य विरासतायाः सम्मानः भविष्यति। धर्मेन्द्रस्य निधनं 24 नवम्बर 2025 तमे दिने अभवत्। तस्य योगदानं विरासतं च सम्मानयितुं सनी बॉबी देओल् च मुम्बईनगरे “इक्कीस” इति चलचित्रस्य विशेषप्रदर्शनस्य आयोजनं कर्तुं सज्जौ स्तः। एतच्च चलचित्रं विशेषम् अतः यत् एतत् धर्मेन्द्रस्य अन्तिमं चलचित्रम् अस्ति, यस्मिन् दर्शकाः तं अंतिमवारं विशालपर्दे निरीक्षितुं शक्नुवन्ति।
पितुः निधनानन्तरं प्रथमवारं माध्यमैः सह संवादः। अस्य विशेषप्रदर्शनस्य समये सनी बॉबी देओल् च पितुः निधनानन्तरं प्रथमवारं माध्यमैः सह वार्तालापं करिष्यतः। कथ्यते यत् सनी विशेषतया पैपराजीनां आचरणेन आहतः आसीत्, अतः एषः कार्यक्रमः तस्य कृते भावनात्मकदृष्ट्या अत्यन्तमहत्त्वपूर्णः भविष्यति। अयं अवसरः दर्शकानां कृते अपि धर्मेन्द्रं प्रति श्रद्धाञ्जलिं दातुं तस्य अन्तिमं चलचित्रयोगदानं च स्मर्तुं विशेषः सन्धिः भविष्यति।
धर्मेन्द्रः समग्रं चलचित्रं द्रष्टुं न अशकत्। “इक्कीस” इति चलचित्रं 1971 तमे भारतपाकिस्तानयुद्धस्य पार्श्वभूमौ आधारितम् अस्ति, यस्मिन् लेफ्टिनेन्ट् अरुण खेत्रपालस्य कथा प्रदर्श्यते। एतत् पात्रं अमिताभबच्चनस्य दौहित्रः अगस्त्यनन्दा अभिनटति। खेदजनकं तु यत् धर्मेन्द्रः स्वस्य अस्य अन्तिमचलच्चित्रस्य समग्रं भागं द्रष्टुं न अशकत्। निर्देशकः श्रीरामराघवन इत्यस्य वचनेन धर्मेन्द्रः चलचित्रस्य केवलं प्रथमभागं ददर्श, द्वितीयभागं द्रष्टुं पूर्वमेव तस्य निधनम् अभवत्। “इक्कीस” इति चलचित्रस्य विमोचनं 01 जनवरी 2026 तमे दिने चित्रगृहेषु भविष्यति।
-------------
हिन्दुस्थान समाचार