Enter your Email Address to subscribe to our newsletters
काठमांडूः, 27 दिसंबरमासः (हि.स.)।
प्रतिनिधिसभायाः सदस्यानां कृते 5 मार्च् 2026 तमे दिने भविष्यति चुनावे अधुना 68 दिवसाः अवशिष्टाः सन्ति। एतेन अवसरे निर्वाचनायोगेन अस्थायी-मतदाता-सूच्यां समावेशनीय-व्यक्तीनां वर्गाः अन्तिमरूपेण निश्चिताः।
आयोगस्य अनुसारम्—ये कर्मचारी नेपाल-सर्वकारे, प्रादेशिक-सर्वकारेषु, स्थानीय-स्तरेषु तथा संघीय–प्रादेशिक-सरकारयोः स्वाम्य-नियन्त्रणाधीनासु संस्थासु कार्यरताः सन्ति, येषां नामानि अन्तिम-मतदाता-सूचौ निबद्धानि सन्ति, ते सर्वे अस्थायी-मतदातृ-रूपेण समाविष्टाः भविष्यन्ति।
एवमेव बैरक्सु नियुक्ताः नेपाली-सेना, नेपाल-पुलिस्, सशस्त्र-पुलिस्-बलस्य सदस्याः, कारागारे बंदिनः कैद्याश्च, तथा चुनाव-सम्बद्ध-कर्मसु नियुक्ताः कर्मचारी सुरक्षाकर्मिणश्च अपि अस्थायी-मतदाता-सूचौ समाविष्टाः भविष्यन्ति।
आयोगेन एतदपि स्पष्टीकृतम् यत् संघीय–प्रादेशिक–स्थानीय-सरकाराभिः सञ्चालितेषु वा अनुमोदितेषु वृद्धाश्रमेषु वसन्तः व्यक्तयः, तथा संवैधानिक-निकायानां प्रमुखाः पदाधिकारीणश्च अपि अस्थायी-मतदाता-रूपेण अर्हाः भविष्यन्ति।
अस्थायी-मतदातृ-सूच्याः निर्माण-व्यवस्थापनयोः निरीक्षणार्थं एकः निर्वाचन-आयुक्तस्य समन्वये अस्थायी-मतदाता-सूची-समन्वय-समितिः गठिता भविष्यति। अस्याः समितेः सदस्याः भविष्यन्ति—निर्वाचन-आयोगस्य सचिवः, गृहमन्त्रालयस्य, रक्षामन्त्रालयस्य, महिला-बालबालिका-वरिष्ठनागरिक-मन्त्रालयस्य तथा संघीय-मामला-सामान्य-प्रशासन-मन्त्रालयस्य सचिवाः। ततः परं निर्वाचन-आयोगस्य सर्वेषां महाशाखानां संयुक्त-सचिवाः तथा आयोगस्य वरिष्ठ-कम्प्यूटर-अधिकारी अपि सदस्याः भविष्यन्ति। मतदातृ-पञ्जीकरण-तथा निर्वाचन-संचालन-महाशाखायाः उपसचिवः अथवा तेन निर्दिष्टः अधिकारी सदस्य-सचिव-रूपेण कार्यं करिष्यति।
जिलास्तरे अस्य प्रक्रियायाः समन्वयं मुख्य-जिला-अधिकारी करिष्यति, यत्र जिला-सुरक्षा-प्रमुखः तथा जिला-कारागार-प्रमुखः सदस्यौ भविष्यतः। निर्वाचन-अधिकारी सदस्य-सचिवस्य भूमिकां वहिष्यति।
अस्थायी-मतदातृ-सूचीनिर्माणाय सम्बन्धित-निकायैः अर्ह-कर्मचारिणां विवरणानि भौतिक-रूपेण इलेक्ट्रॉनिक-रूपेण च उभयथा सम्बन्धित-निर्वाचन-कार्यालयेभ्यः प्रस्तुतव्यानि। ततः परं मुख्य-पञ्जीकरण-अधिकारी अस्थायी-मतदाता-सूचिं सम्बन्धित-निर्वाचन-अधिकारीभ्यः उपलभ्य करिष्यति। तदनु मतदान-केन्द्रेषु नियुक्तानां कर्मचारीणां सुरक्षाकर्मिणां च अस्थायी-मतदाता-सूचिः निर्दिष्ट-प्रारूपेण निर्माणीयेत्यपि प्रावधानं कृतम्।
---------------
हिन्दुस्थान समाचार