विपक्षः सदैव तासां वार्तानां विरोधं करोति, याः जनताभ्यः रोचन्ते - केन्द्रीयगृहमन्त्री

अहमदाबादम्, २८ दिसम्बरः (हि.स.)। केन्द्रीयगृहमन्त्री अमितः शाहः अवदत् यत् “बाबाराहुलः, पराजयात् न श्राम्यतु। २०२९ तमे वर्षेऽपि नरेन्द्रः मोदी एव देशस्य प्रधानमन्त्री भविष्यति।” सः उक्तवान् यत् विपक्षः सदैव तासाम् एव वार्तानां विरोधं करोति, याः जनतायै प्रियाः भवन्ति। “यत् जनतायै रोचते, तस्यैव विरोधं कुर्वन्ति चेत्, तर्हि मतानि कुत्रात् लप्स्यन्ते?” इति सः अपि अवदत्।

रविवासरे केन्द्रीयगृहमन्त्री शाहः अहमदाबादस्य पश्चिम-क्षेत्रे आधुनिक-प्रौद्योगिक्याः भूमेः खननं विना निर्मितायाः २७ किलोमीटर-दीर्घायाः जलनिकास-नलिकायाः (ड्रेनेज्-लाइन) लोकार्पण-अवसरे आयोजिते कार्यक्रमे सम्बोधितवान्। सः नूतनां ड्रेनेज्-लाइनम् अभियान्त्रिकी-कौशलस्य उत्कृष्टं उदाहरणम् इति निर्दिश्य विकास-कार्याणां प्रशंसां कृतवान्।

केन्द्रीयगृहमन्त्री शाहः अवदत् यत् अद्यतनः दिवसः आनन्ददायकः अस्ति। वणझर-क्षेत्रे १९७३ तमात् वर्षादनन्तरं ये जनाः सर्वं लोपितवन्तः, ते अत्र आगत्य वसन्ति स्म, तेषां विषये सः उक्तवान्। प्रायः पञ्चाशत् वर्षाणि यावत् अनेकाः परिवाराः अत्र निवसन्ति स्म, किन्तु केनचित् कारणेन भूखण्ड-स्वामित्वस्य विषयः अवरुद्धः आसीत्। अस्याः समस्यायाः समाधानं कृत्वा सञ्चिकाः अन्तिमरूपेण निश्चिता इति सः अवदत्, अद्यतः एषा प्रक्रिया पूर्णतया वैधानिकी अभवत्, येन जनजीवने महत्तरं परिवर्तनम् आगतम्।

१५ लक्ष-जनानां मल-निकास-समस्यायाः स्थायी-समाधानम्

केन्द्रीयगृहमन्त्री अवदत् यत् अहमदाबादस्य नव-वार्ड इत्येतेषु निवसन्तः प्रायः १५ लक्षं जनाः तथा ४५०० सोसायटी इत्यादयः बहुभ्यः वर्षेभ्यः मल-जल-निकासस्य समस्यया पीडिताः आसन्। क्षेत्रं ग्रामात् नगररूपे परिवर्तितम् आसीत्, किन्तु आधारभूत-संरचना नासीत्। प्रायः ४०० कोटि-रूप्यक-व्ययेन विशाल-व्यासयुक्ता पाइप्-लाइन इति संस्थापिता, येन एषा समस्या निराकृता। मल-जलात् जन-स्वास्थ्ये ये दुष्प्रभावाः आसन्, तेऽपि समाप्ताः। सः उक्तवान् यत् १५ लक्ष-जनसंख्या स्वयमेव एकस्य नगरस्य तुल्या भवति, एतया परियोजनया तस्य सम्पूर्ण-नगरस्य समस्यायाः समाधानमभवत्। अल्पकाले एतत् कार्यं सम्पन्नं भविष्यति इति पूर्वं स्वयम् अपि न विश्वसिति स्म, किन्तु एतत् कार्यं सफलतया सम्पन्नम्।

राहुल-गान्धिं प्रति शाहस्य प्रहारः

केन्द्रीयगृहमन्त्री शाहः अवदत् यत् राहुलगान्धी संसद-भवने प्रश्नं कृतवान् यत् “वयं सर्वेषु निर्वाचनेषु किमर्थं पराजयं प्राप्नुमः?” अस्य उत्तररूपेण सः अवदत् यत् “यदि राहुलगान्धी एतौ द्वौ कार्यक्रमौ अवगच्छेत्, तर्हि स्वयमेव ज्ञास्यति यत् सः निर्वाचनेषु किमर्थं पराजयते।” सः उक्तवान् यत् बहुकालात् प्रार्थिता प्रार्थाना आन्दोलनं विनैव, संवेदनशीलतया सह पूर्णा कृता। जनाः याचन्ते वा न याचन्ते, जनकार्यकरणं भाजपा-नरेन्द्र-मोदी-सर्वकारस्य कर्तव्यमस्ति।

विपक्षं प्रति आक्रमणं कुर्वन् सः अवदत् यत् “वयं राम-मन्दिरं निर्मामः, यूयं विरोधं कुरुथ। सर्जिकल्-स्ट्राइक कुर्मः, विरोधः। एअर्-स्ट्राइक्, अवैध-प्रवेशिनां निष्कासनम्, काशी-विश्वनाथ-कोरिडोर्, त्रि-तलाक, अनुच्छेदः-३७० निष्कासनम्, समान-नागरिक-संहिता—सर्वस्य विरोधं यूयं कुरुथ। यत् जनतायै प्रियं, तस्य विरोधं कुरुथ, चेत् मतानि कस्मात् लप्स्यन्ते?” सः अपि अवदत् यत् पाश्चात्य-बङ्गाले तमिलनाडु-राज्ये च भाजपा-विजयः निश्चितः अस्ति, पुनरपि मोदी-सर्वकारः एव स्थापितः भविष्यति। “यः स्वस्य एव पक्षं बोधयितुं न शक्तः, तं वयं कथं बोधयेम?” इति सः उक्तवान्। अपि च सः अवदत् यत् १५ लक्ष-जनानां मल-व्यवस्था नास्तीति सत्यपि कदापि आन्दोलनं न अभवत्, तथापि सर्वकारेण समस्यायाः समाधानं कृतम्।

हिन्दुस्थान समाचार / अंशु गुप्ता