जबलपुरम्, २८ दिसम्बरमासः (हि.स.)। महाराष्ट्रस्य मुख्यमन्त्री देवेन्द्रः फडणवीसः अद्य रविवासरे मध्यप्रदेशस्य एकदिवसीय-प्रवासे जबलपुर-नगरं आगमिष्यति। सः अत्र मानस-भवने आयोजिते महाराष्ट्र-शिक्षण-मण्डलस्य कार्यक्रमे भागं ग्रहीष्यति। अस्मिन् कार्यक्रमे मध्यप्रदेशस्य विद्यालय-शिक्षा-मन्त्री उदयः प्रतापः सिंहः अपि उपस्थितः भविष्यति।जिला-प्रशासनपक्षतः प्रदत्तसूचनानुसारं मध्यप्रदेशस्य विद्यालय-शिक्षा-मन्त्री उदयः प्रतापः सिंहः अद्य प्रातः 11 वादने नरसिंहपुरजनपदस्य लोलरीग्रामात् मोटरयानद्वारा जबलपुरनगरम् आगमिष्यति। सः साक्षात् डुमनाविमानपत्तनं गमिष्यति तथा तत्र महाराष्ट्रस्य मुख्यमन्त्रिणः देवेन्द्रफडणवीसस्य स्वागतं करिष्यति। विद्यालय-शिक्षामन्त्री सिंहः पूर्वाह्णे 11:30 वादने महाराष्ट्रस्य मुख्यमन्त्रिणा सह मानसभवने आयोजिते महाराष्ट्र-शिक्षण-मण्डलस्य कार्यक्रमे भागं गृहीत्वा अपराह्णे 3 वादने मोटरयानद्वारा लोलरीग्रामं प्रति प्रस्थानं करिष्यति।

हिन्दुस्थान समाचार / अंशु गुप्ता