Enter your Email Address to subscribe to our newsletters
भोपालम्, २८ दिसम्बरमासः (हि.स.)। केन्द्रीयकृषि-कृषक-कल्याण-ग्रामीण-विकास-मन्त्री शिवराजः सिंहः चौहानः अद्य रविवासरे मध्यप्रदेशस्य एकदिवसीयप्रवासे स्थास्यति। केन्द्रीयमन्त्री अत्र सांसद-खेल-महोत्सवेन सह जनपदे आयोजितेषु विविधेषु कार्यक्रमेषु सहभागं करिष्यति। जनपदप्रशासनपक्षतः प्रकाशित-भ्रमण-कार्यक्रमानुसारं केन्द्रीयकृषिमन्त्री चौहानः भोपाल-नगरात् प्रस्थानं कृत्वा अपराह्णे 12 वादने विदिशानगरम् आगमिष्यति। तत्र सः एस.एस.एल.जैन-महाविद्यालय-परिसरे आयोजिते सांसद-कप-क्रीडायाः क्रिकेट् तथा कबड्डी इत्यनयोः निर्णायक-कार्यक्रमे सम्मिलितः भविष्यति। तदनन्तरं केन्द्रीयमन्त्री चौहानः अपराह्णे 3 वादनात् 4 वादनपर्यन्तं विदिशारेलस्थानके आयोजिते कार्यक्रमे सम्मिल्य यानसङ्ख्याः 12629/12630, 16031/16032 तथा 18235/18236 इत्येतेषां यानानां प्रायोगिक-स्थगन-स्थानस्य शुभारम्भं करिष्यति। अस्य कार्यक्रमस्य अनन्तरं केन्द्रीयकृषिमन्त्री चौहानः विदिशानगरे आयोजिते प्रदेश-स्तरीय-शरीर-निर्माण-प्रतियोगितायाः (बॉडी-बिल्डिंग) समापनकार्यक्रमे सम्मिलितः भविष्यति। तत् पश्चात् सः गंजबासौदानगरे विधायक-हरिसिंहस्य गृहम् आगमिष्यति तथा तस्मात् स्थानात् सायं 6 वादने भोपालनगरं प्रति प्रस्थानं करिष्यति।
हिन्दुस्थान समाचार / अंशु गुप्ता