--- संस्थायाः प्रदेशाध्यक्षः डॉ. महेन्द्रसिंहः मुख्यातिथिः आसीत्

लखनऊ, २८ दिसम्बरमासः (हि.स.)। भारत-स्काउट्-गाइड्, लखनऊ-उत्तरप्रदेशेन गोपीनाथ-लक्ष्मणदास-रस्तोगी-इण्टर-महाविद्यालयः, लखनऊ इत्यत्र आयोजितायाः त्रिदिवसीयायाः जनपदीय-वार्षिक-समागमस्य तृतीयदिने अद्य रविवासरे मनोरञ्जक-सांस्कृतिक-कार्यक्रमैः तथा पुरस्कार-वितरणेन सह समापनमभवत्।

समारोहस्य मुख्यातिथिः भारत-स्काउट्-गाइड् इत्यस्य उत्तरप्रदेशाध्यक्षः, विधानपरिषद्-सदस्यः तथा पूर्व-जलशक्ति-मन्त्री डॉ. महेन्द्रसिंहः सरस्वतीप्रतिमायाः माल्यार्पणेन स्काउट्-गाइड् छात्रैः प्रस्तुतानां प्रदर्शिनीनां निरीक्षणं कृतवान्। तत्पश्चात् स्काउट्-गाइड्‍-छात्रैः निर्मितानां वितानानां (टेन्ट्-पिचिङ्) निरीक्षणमपि कृतवान्। जिला-मुख्यायुक्तः डॉ. जे.पी.मिश्रः मुख्यातिथेः स्वागतं कृतवान्।

डॉ.महेन्द्रसिंहः विभिन्न-विद्यालयैः प्रस्तुतानां सांस्कृतिक-कार्यक्रमाणि प्रशंसन् बालकैः पात्रं विना निर्मितस्य बाटी-चोखा-इत्यादीनां रसास्वादनमपि कृतवान्। अतिशैत्यकालेऽपि बालकानां धैर्यमनुशासनञ्च सः विशेषतया प्रशंसितवान्। डॉ.महेन्द्रसिंहः ४२ दलान् ‘ए’-श्रेण्याः, ८ दलान् ‘बी’-श्रेण्याः, तथा ३ दलान् ‘सी’-श्रेण्याः शील्ड्-पुरस्कारैः अलङ्कृतवान्। अस्मिनेवावसरे निर्णायकाः, रोवर्स्, रेंजर्स्, तथा डी.ओ.सी. गाइड् मधु-हंसपाल इत्येते अपि सम्मानिताः।

अस्मिन् अवसरे संस्थायाः संरक्षकः तथा जनसमागमस्य संयोजकः डॉ.आर.पी.मिश्रः स्काउट्-गाइड्-भावनया ओत-प्रोतस्य मुख्यातिथेः डॉ.महेन्द्रसिंहमहोदयस्य दृष्टिकोणं प्राशंसत् विकसितस्य आधुनिकस्य च भारतस्य निर्माणे स्काउटिङ्-कार्यस्य महत्त्वं प्रतिपादितवान्।

समापन-कार्यक्रमे मुख्यातिथिना सह समागमस्य संयोजकः संरक्षकश्च डॉ.आर.पी.मिश्रः, जनपद-मुख्यायुक्तः डॉ.जे.पी.मिश्रः, उपाध्यक्षः शर्मिला-सिंहः, पार्षदः राजीवः बाजपेयी, जनपदसचिवः अनिलः शर्मा, जनपद-कोषाध्यक्षः, अनिलः कुमारः वर्मा, माध्यमिक-शिक्षक-सङ्घस्य जिला-मन्त्री महेशचन्द्रः, विद्यालयस्य प्रधानाचार्यः आलोकमिश्रः, तथा विभिन्न-विद्यालयानां प्रधानाचार्याः, शिक्षकाः, शिक्षिकाः, स्काउट्-शिक्षकाः एवं गाइड्-मुख्याश्च उपस्थिताः आसन्।

हिन्दुस्थान समाचार / अंशु गुप्ता