Enter your Email Address to subscribe to our newsletters
मुख्यमंत्रिणा अधिकारिभ्यो दत्तो निर्देशो यत्, संवेदनशीलतया तत्परतया करणीयं जन समस्यानां निराकरणम्
गोरखपुरम्, 29 दिसंबरमासः (हि.स.)l
जनतायाः हितं सर्वोच्चप्राथमिकतारूपेण स्वीकरोति स्म इति दर्शयन् मुख्यमन्त्री योगी आदित्यनाथः प्रचण्डशीतकालस्थितौ अपि सोमवासरे जनसेवायाः अनुष्ठानं निरन्तरं प्रवर्तयत्। प्रतिकूलवातावरणेऽपि तेन गोरखनाथमन्दिरे जनतादर्शननाम आयोजनं कृत्वा जनैः सह भेटिः कृता, तेषां समस्याः श्रुताः। समस्यां वहन्तः ये जनाः आगताः आसन् तैः सह सः सस्नेहम् संवादं कृत्वा अवदत् यत् “मा भैष्ट, सर्वासां समस्यानां समाधानं करिष्यामः, सर्वकारः सर्वेषां पूर्णरूपेण सहायतां करिष्यति” इति।
जनतादर्शने उपस्थितानधिकारिणः प्रति मुख्यमन्त्रिणा निर्देशः दत्तः यत् प्रत्येकपीडितस्य समस्यायां संवेदनशीलतया मनः स्थाप्य शीघ्रतया समयबद्धं पारदर्शकं च निस्तारणं कारयन्तु। सोमवासरस्य प्रातःकाले गोरखनाथमन्दिरपरिसरे महन्तदिग्विजयनाथस्मृतिभवनस्य सभागृहे आयोजिते जनतादर्शने मुख्यमन्त्रिणा योगिना आदित्यनाथेन प्रायः १५० जनानां समस्याः श्रुताः, तासां समाधानाय अधिकारिभ्यः आदेशा दत्ताः। आसने उपविष्टानां जनानां समीपं स्वयमेव गत्वा एकैकस्य समस्यां श्रुतवान्। सर्वान् आश्वास्य अवदत् यत् सर्वासां समस्यानाṃ समाधानं सुनिश्चितं करिष्यति, कस्यापि भेतुम् आवश्यकता नास्ति। प्रार्थनापत्राणि अधिकारिभ्यः समर्प्य अवदत्— सर्वासां समस्यानाṃ निस्तारणं शीघ्रं, गुणवत्तरं, संतोषजनकं च भवेत्।
केषाञ्चन जनानां भूमिकब्जस्य आरोपस्य विषये मुख्यमन्त्रिणा कठोरायाः कानूनी-कार्र्यायाः निर्देशः कृतः। सः अवदत्— यदि कश्चन दृष्टो माफियाख्यातो वा अन्यस्य भूमिं बलाद्ग्रहीतुमिच्छति तर्हि तस्मैविरुद्धं कठोरतमकार्र्या क्रियेत। दरिद्रान् निष्कासयन्तः कदापि न मोक्श्यन्ते। यत्र मापनस्य आवश्यकता भवेत् तत्र मापनं कृत्वा विवादस्य निस्तारणं क्रियताम्। पारिवारिकविवादेषु उभयपक्षैः सह संवादं कृत्वा समाधानमार्गः अन्वेष्टव्य इति अपि तेन निर्दिष्टम्।
जनतादर्शने केचन जनाः उपचारार्थं आर्थिकसाहाय्यं प्रार्थयितुं आगताः आसन्। तेषु प्रति मुख्यमन्त्रिणा उक्तं यत् उपचारस्य संदर्भे धनाभावः बाधा न भविष्यति। तेन अधिकारिणः प्रति निर्देशः दत्तः यत् उपचारार्थं चिकित्सालयानुमानपत्रप्रक्रिया शीघ्रं समाप्य शासनस्थरे प्रेष्यताम्। मुख्यमन्त्रिविवेकाधीनकोषात् उपचारार्थं पर्याप्तराशिः प्रदास्यते।
---------------
हिन्दुस्थान समाचार