Enter your Email Address to subscribe to our newsletters
नवदिल्ली, 03 दिसंबरमासः (हि.स.)।
संसदस्याः शीतकालीनसत्रस्य तृतीयदिने कार्यारम्भात् पूर्वं कांग्रेसदलेन नेतृत्वितस्य इंडीगठबन्धनस्य नेतारः मकरद्वारस्य समीपे नूतनत्रयाणि श्रमकानूनानि प्रति विरोधप्रदर्शनं कृतवन्तः।
कांग्रेसाध्यक्षः मल्लिकार्जुनखरगे, कांग्रेससंसदीयदलाध्यक्ष्या सोनियागान्धी, लोकसभायां विपक्षनेता राहुलगान्धी, कांग्रेसमहासचिवा प्रियङ्का गान्धी, केसी वेणुगोपाल, लोकसभायां कांग्रेसउपनेता गौरवगोगोई, प्रमोदतिवारी इत्यादयः बहवः वरिष्ठनेतारः अस्मिन् प्रदर्शनस्य भागिनः अभवन्।
नेतारः पङ्क्तिबद्धाः सन्तः हस्तयोः पोस्टरबैनरान् धारयन्तः यथा — “श्रमिकानां हकं रक्ष्यताम्”, “कॉपोरेटजंगलराजं मा स्वीकरोत”, “श्रमिकन्यायो भवतु”, “श्रमिकविरोधिनः कानूनान् निवर्तयतु” — इत्यादीनि नाराणि उद्घोषयन्तः स्थितवन्तः।
प्रदर्शनकर्तारः श्रमकानूनानां निरसनं याचन्तः संसद्परिसरे प्रबलनारेण स्वस्वभावं प्रदर्शितवन्तः। कांग्रेसदलं इंडीगठबन्धनं च नूतनानि श्रमकानूनानि श्रमिकाणां अधिकारान् सुरक्षा च सामाजिकसुरक्षां च दुर्बलयन्ति इति आरोपयतः।
---------------
हिन्दुस्थान समाचार