Enter your Email Address to subscribe to our newsletters
कोलकाता, 30 दिसम्बरमासः (हि.स.)। पश्चिमबङ्गाले आगामि विधानसभानिर्वाचनस्य पूर्वं राजनैतिकचेष्टासु तीव्रता दृश्यते। केन्द्रीयगृहमन्त्रिणा सह सहकारितामन्त्रिणा च अमितशाहेन त्रिदिवसीय-पश्चिमबङ्गाल-प्रवासस्य आरम्भः कृतः। सोमवासरे सः कोलकातां प्राप्तवान्। विमानतले दलकार्यकर्तृभिः समर्थकैश्च तस्य हार्दिकं स्वागतं कृतम्।
कार्यकर्तॄणां स्नेहेन अभिभूतः अमितशाहः बाङ्ग्लाभाषायां सन्देशं प्रेषितवान्। सः अवदत्— पश्चिमबङ्गालं परिवर्तनाय पूर्णतया सज्जम् अस्ति। स्वस्य सामाजिक-माध्यमे लिखिते सन्देशे सः उक्तवान् यत् बंगालस्य जनाः परिवर्तनं इच्छन्ति, तथा च भारतीयजनतापार्टी तस्य परिवर्तनस्य नेतृत्वं कर्तुं पूर्णतया सज्जा अस्ति। सः दलकार्यकर्तॄणां उत्साहस्य समर्थनस्य च प्रशंसां कृत्वा अवदत्— एषा एव ऊर्जा आगामि निर्वाचनमध्ये निर्णायकस्य भूमिकां निर्वहिष्यति।
अमितशाहः अवदत् यत् स्वप्रवासकाले दलस्य संगठनात्मक-विषयान् निर्वाचनसम्बद्धान् कार्यक्रमांश्च विस्तरेण चर्चयिष्यति। अस्मिन् प्रवासे भारतीयजनतादलेन कोर-ग्रुप्-समितेः उपवेशने विधानसभानिर्वाचनस्य रणनीतिः विचार्यते। ततः सः दलस्य सांसदैः विधायकैश्च सह उपवेशनं करिष्यति, अपि च कोलकाता-महानगरस्य सक्रियैः सुदृढैः संगठनात्मक-कार्यकर्तृभिः सह विचारविमर्शं करिष्यति।
उल्लेखनीयम् अस्ति यत् अमितशाहस्य अयं प्रवासः तस्मिन् समये सम्पन्नः भवति यदा पश्चिमबङ्गाले विधानसभानिर्वाचनं प्रति राजनैतिकचलनं तीव्रतरं जातम् अस्ति तथा च सर्वे राजनैतिकदलाः स्वस्व-सज्जताषु संलग्नाः सन्ति।
हिन्दुस्थान समाचार