Enter your Email Address to subscribe to our newsletters
ढाका, 30 दिसंबरमासः (हि.स.)।
बांग्लादेश-नेशनलिस्टदलस्य (बीएनपी) अध्यक्षा पूर्वप्रधानमन्त्री च खालिदा-जिया अद्य प्रातः ढाका-नगरस्थे एवरकेयरचिकित्सालये अन्तिमं श्वासं गृहीत्वा दिवंगता। तस्याः राजनैतिक-जीवनं उत्थान-पतनसमन्वितं दीर्घं च अभूत्। खालिदा-जिया 1991 तः 1996 पर्यन्तं तथा 2001 तः 2006 पर्यन्तं बांग्लादेशस्य प्रधानमन्त्रिरासीत्। सा पूर्वराष्ट्रपतिः जिया-उर-रहमानस्य पत्नी। तस्याः ज्येष्ठः पुत्रः तारिक्-रहमान् बीएनपी-पक्षस्य कार्यकारी-अध्यक्षः अस्ति।
बांग्लादेशस्य राजनीति द्वयोः नारी-नेत्र्योः इव परिवृत्ता आसीत्— अवामी-लीग्-पक्षस्य शेख्-हसीना, बीएनपी-पक्षस्य खालिदा-जिया च। उभे कदाचित् सख्यौ आस्ताम्। शेख्-हसीनायाः शासनपरिवर्तनं जातम्, सा बांग्लादेशं त्यक्तवती। अष्टाशीतितमे (1980) दशके बांग्लादेशे सैन्यशासनम् आसीत्; तस्मिन्नस्मिन्न् काले सैन्यशासनविरुद्धे हसीना-खालिदे उभे अपि एकत्र मिलित्वा मार्गेषु आन्दोलनं कृतवत्यौ। 1990 तमे वर्षे तानाशाह-इरशादस्य निष्कासनानन्तरं लोकतन्त्रं पुनरागतम्। 1991 तमे निर्वाचने खालिदा-जिया विजया अभूत्; अनन्तरं खालिदा-हसीनयोः मध्ये राजनैतिक-वैमनस्यं वर्धितम्। 1990 परं यदा-यदा निर्वाचनानि जातानि, तदा-तदा सत्ता खालिदा-जियायाः वा शेख्-हसीनायाः हस्ते गता। माध्यमैः तद् “बैटल् ऑफ् बेगम्स्” इति, अर्थात् द्वयोः महाराज्ञ्योः संघर्ष इति, नाम्ना प्रसिद्धम्।
खालिदा-जियायाः जन्म 15 अगस्त् 1945 इत्यस्मिन् दिने अविभक्त-भारते दिनाजपुर्-जिलस्य जलपाईगुड़ी-प्रदेशे सामान्य-कुले अभवत्; सा न कस्यचित् राजनैतिक-कुलसम्बद्धा आसीत्। 1960 तमे वर्षे सैनिकेन जिया-उर-रहमान-नाम्ना सह तस्याः विवाहः अभूत्। 1971 तमे बांग्लादेशस्य स्वातन्त्र्य-संघर्षः अभूत्। तस्मिन् काले शेख्-हसीनायाः पिता शेख्-मुजीबुर्-रहमान् गृह्यन्ते स्म। तस्मिन्नेव समये जिया-उर-रहमान् रेडियो-वार्तायां घोषणां कृत्वा अवदत्— “वयं स्वतंत्र-बांग्लादेशस्य पक्षे युध्यामहे।”
युद्धसमाप्तौ बांग्लादेश-राष्ट्रस्य निर्माणे जातम्, तदा रहमान् पुनः सैन्यसेनां प्रति प्रत्यावृत्तः, तत्र च महान् पदं प्राप्तवान्। सः राजनीति-क्षेत्रेऽपि प्रभावशाली-पुरुषरूपेण दृष्टः। 1975 तमे वर्षे शेख्-मुजीबुर्-रहमानस्य तस्य परिवारस्य च हत्यायाम् अनन्तरं देशे सततं शासनपरिवर्तनानि सैन्येषु गुटभेदाश्च अभवन्; अल्पकाल एव अनेकवारं सत्ता परिवृत्ता। अस्मिन् अस्थिर-परिसरे जिया-उर-रहमान् शनैः शनैः शक्तिमन्तः सैन्य-नेता इव उदितः, 1977 तमे वर्षे देशस्य राष्ट्रपतिः अभूत्।
सत्तां स्वीकृत्य सः बांग्लादेश-नेशनलिस्टपक्षः (बीएनपी) इति नाम्ना नूतनं राजनैतिक-दलम् आरब्धवान्; एषा एव पार्टी अद्यापि तस्य पुत्रेण तारिक्-रहमानेन नीयते।
---------------
हिन्दुस्थान समाचार