नवदिल्ली, ३० दिसम्बरमास: (हि.स.)। रामायण-अनुसन्धान-परिषदा महाकुम्भविषये अद्यावधि सर्वाधिकं विस्तृतं, शोधपरकं च आकर्षकं साहित्यं सज्जीकृतम् अस्ति। ‘महाकुम्भस्य महामन्थनम्’ इति शीर्षकेन प्रकाशितस्य अस्य ग्रन्थस्य आवरणचित्रं परिषदा प्रकाशितम्। परिषदा सूचितं यत् अस्य ग्रन्थस्य प्रथमप्रतिः प्रधानमन्त्रिणे नरेन्द्रमोदिने समर्पिता भविष्यति।परिषद: सचिवः पिताम्बरमिश्रः अवदत् यत् अस्य साहित्यस्य उद्देश्यं आगामीसन्ततिनां कृते महाकुम्भसम्बद्धाः आध्यात्मिकाः, सांस्कृतिकाः, ऐतिहासिकाश्च सूचनाः संरक्षितुं, येन भविष्ये अस्मिन् विषये अनुसन्धानं, सन्दर्भग्रहणं च कर्तुं शक्येत। तेन उक्तं यत् महाकुम्भः, अखडपरम्परा, स्नानस्य आध्यात्मिकं महत्त्वं च इत्यादिषु बहवः महत्त्वपूर्णाः विषयाः अस्मिन् ग्रन्थे समाविष्टाः सन्ति। अस्य ग्रन्थस्य संकल्पना एकादशवर्षीयेन बाल-व्यासेन वैदेहीनन्दन-पण्डित-वेदान्तेन प्रस्तुता आसीत्।मिश्रस्य कथनानुसारम्, अस्मिन् प्रकाशने प्रधानमन्त्रिणा नरेन्द्रमोदिना व्यक्ताः विचाराः, अखाडापरिषद: अध्यक्षस्य तथा संघस्य उत्तर-क्षेत्रीयस्य संघचालकस्य पवनजिन्दलस्य विचाराः, उत्तरप्रदेश-सर्वकारस्य विविधविभागानां तात्कालिकप्रमुखसचिवानाम् अधिकारिणां च विचाराः अपि समाविष्टाः सन्ति।परिषद: राष्ट्रिय-युवा-संयोजकः तथा भाजपादलस्य राष्ट्रिय-पत्रकारसमूहसदस्य: जयराम-विप्लवः अवदत् यत् अस्मिन् साहित्ये महाकुम्भस्य पूर्वतैयार्याः, आयोजनस्य, क्रियान्वयनस्य, तथा अस्य वैश्विकसन्देशस्य विवरणं क्रमबद्धतया प्रस्तुतम् अस्ति। तेन उक्त: यत् महाकुम्भविषये एतादृशमाकर्षकं व्यापकं च तथ्यं पूर्वं न उपलब्धम् आसीत्। तेन अपि सूचितं यत् महाकुम्भसम्बद्धस्य समग्रसामग्रीणां डिजिटल्-प्रसारार्थं www.mahakumbhinfo.com इति जालस्थानं निर्मितम् अस्ति, यत्र एतत् शीघ्रमेव ऑनलाइनमाध्यमेन उपलब्धं करिष्यते।परिषद: सदस्य: देव-रत्न-शर्मा अवदत् यत् ‘महाकुम्भस्य महामन्थनम्’ इति ग्रन्थः आङ्ग्लभाषायाम् अपि प्रकाशितः अस्ति, येन सनातनपरम्परासम्बद्धम् एतत् ऐतिहासिकम् आयोजनं अन्ताराष्ट्रियस्तरे प्रस्तोतुं शक्येत। तेन उक्तं यत् परिषदा एतादृशं साहित्यं विश्वस्य प्रमुखपुस्तकालयेषु संरक्षितुं प्रयत्नः अपि क्रियते।सदस्य: अम्बर-अग्रवालः अवदत् यत् २०२५ तमे वर्षे प्रयागराजनगरे आयोजिते महाकुम्भे सेक्टर-२३ मध्ये प्रयागराज-मेला-प्राधिकरणेन परिषदायै स्थानम् आवंटितम् आसीत्। अस्य कृते तेन मुख्यमन्त्रिणे योगी-आदित्यनाथाय कृतज्ञता व्यक्ता। तेन उक्तं यत् जनमानसे महाकुम्भस्य नित्यजीवन्ततां स्थापयितुम् एषा आकर्षका कॉफी-टेबल-पुस्तिका प्रकाशिताऽस्ति।परिषद: सचिवः पिताम्बरमिश्रः अपि अवदत् यत् भविष्ये नासिके, हरिद्वारे, उज्जयिन्यां च आयोजितेषु कुम्भमेलासु अपि एतादृशानि शोधपरकाणि तथ्यानि सज्जीकर्तुं योजना वर्तते।

हिन्दुस्थान समाचार / अंशु गुप्ता