Enter your Email Address to subscribe to our newsletters
- मुख्यमंत्री श्रीराम मंदिरस्य प्रतिकृतिः नता , अयोध्याधाम्नि श्रीरामलला-विराजमानस्य द्वितीयवर्षग्रंथौ जातः कार्यक्रमः
भोपालम्, 30 दिसंबरमासः (हि.स.)। मध्यप्रदेशस्य मुख्यमन्त्री डॉ. मोहनयादवः अवदत् यत् राजधानी-भोपालनगरे प्रदेशस्य सांस्कृतिक–ऐतिहासिकगौरवम् अन्तर्भावयितुं मुख्यमार्गेषु द्वारनिर्माणकार्यं प्रवर्तते। एते द्वाराः भगवान्श्रीरामं, भगवान्श्रीकृष्णं, सम्राटं विक्रमादित्यं, राजभोजं च समर्पिताः भविष्यन्ति। प्रधानमन्त्रिणः नरेन्द्रमोदिनः नेतृत्वे देशे सांस्कृतिकपुनरुत्थानस्य महोत्सवः प्रवहति। वाराणसी, अयोध्या वा उज्जयिनी—सर्वत्र अस्माकं आस्था-भावनानुरूपा समृद्धसंस्कृतिः धार्मिकमान्यताश्च प्रकटन्ते।
प्रदेशे गीता-जयन्त्यां विशालपटलायां श्रीमद्भगवद्गीताकेन्द्रिताः कार्यक्रमाः आयोजिताः। सर्वेषु जिलेषु गीता-भवनस्य निर्माणम् अपि क्रियते। अयोध्यायां श्रीराम- जन्मभूमौ निर्मितं भव्यं मन्दिरं अस्माकं शताब्द्याः आस्था–संघर्ष–संकल्पानां प्रतीकः अस्ति।
मुख्यमन्त्री डॉ. यादवः मंगलवासरे श्रीअयोध्याधामे पुनर्निर्मिते भव्ये श्रीराममन्दिरे श्रीरामललायाः विराजमानस्य द्वितीयवर्षगांठे (तिथ्यनुसारम्) मालवीयनगरे स्थिते युवा-सदनस्य निकटे निर्मितस्य श्रीराममन्दिरस्य प्रतिकृतौ उपस्थितं जनसमुदायं सम्बोधयन् आसीत्। मुख्यमन्त्री डॉ. यादवः तत्र गत्वा श्रीराममन्दिरस्य प्रतिकृतिं प्रणम्य दीपप्रज्वलनं कृत्वा कार्यक्रमस्य शुभारम्भं अकरोत्। विधायकः रामेश्वरशर्मा विशेषरूपेण उपस्थितः आसीत्। कार्यक्रमस्थले सन्तसमुदायः स्थानीयजनाश्च उपस्थिताः आसन्।
हिन्दुस्थान समाचार