जम्मू-नगरम्, ३० दिसम्बरमास: (हि.स.)। उत्तर-भारते अग्रणी रंगमञ्च-संस्था नटरङ्ग इति, २०२५ तमे वर्षे अभूतपूर्वम् उपलब्धिं साधयित्वा, एकस्मिन्नेव वर्षे १५२ रंगमञ्चीय-नाट्य-प्रदर्शनानि सांस्कृतिक-कार्यक्रमाश्च आयोजितवती। एषा उपलब्धिः गत-पञ्चदश-वर्षाणां सर्वान् अभिलेखान् अतिक्रम्य भारतीय-रंगमञ्च-इतिहासे नूतनं मानदण्डं स्थापयति, तथा च कला–संस्कृति–सामाजिकान् प्रति नटरङ्गस्य अचलां प्रतिबद्धतां दर्शयति।

नटरङ्गस्य प्रतिष्ठिता सण्डे-थियेटर-श्रृङ्खला २१ वर्षाणा पूर्णं कृतवती, क्षेत्रे पुनःपुनः उत्पद्यमानासु परिस्थितिषु अपि ५२वर्षपर्यन्तं साप्ताहिक-प्रस्तुतयः सफलतया मंचिताः। अस्मिन्नेव काले नीरज-कान्तः निर्देशकत्वेन देशे सर्वाधिक-निर्देशनानां कीर्तिमानम् अपि स्वनाम्ना अङ्कितवान्।

नटरङ्गस्य संस्थापकः तथा निर्देशकः पद्मश्री-बलवन्त-ठाकुरः इंग्लैण्डदेशे रॉयल-शेक्सपीयर-थियेटर, ग्लोब-थियेटर (लन्दन), शेक्सपीयर-बर्थप्लेस-ट्रस्ट इत्यादिषु प्रतिष्ठितेषु संस्थानेषु अष्ट-प्रस्तुतिभिः संवाद-कार्यक्रमैश्च भारतीय-रंगमञ्चस्य प्रतिनिधित्वं कृतवान्तौ।

नटरङ्गस्य कलाकाराः सुप्रिया-गोरखा, आद्विक-शर्मा तथा विहान-शर्मा च वर्ल्ड-फोरम्-फॉर-आर्ट-एण्ड-कल्चर इत्यनेन प्रदत्तेषु षट्सु राष्ट्रीय-पुरस्कारेषु त्रयः जेत्वा इतिहासं रचितवन्तः। एवमेव कननप्रीत-कौर, आदेश-धरः तथा सुप्रिया-गोरखा च भारत-सरकारस्य संस्कृति-मन्त्रालयेन प्रदत्तां राष्ट्रीय-छात्रवृत्तिं लब्धवन्तः।

नटरङ्गेन संस्कृति-विभागाय निर्मिता प्रथमा झाँकी “जम्मू–कश्मीरस्य सांस्कृतिक-वैविध्यम्” इति, गणतन्त्र-दिवस-परेड् २०२५ मध्ये प्रथम-पुरस्कारं जित्वा संस्थायाः सृजनात्मक-क्षमतायाः नूतनां परिचितिं दत्तवती। “हम हैं प्रतिभावान्” तथा “सैंयां भए कोतवाल” इत्यादि प्रस्तुतयः अत्युत्तमां प्रशंसां प्राप्तवन्तः, यदा च “बावा जित्तो” इति नाट्यं झिरी-मेलायाम् प्रायः ५० सहस्र दर्शकान् आकर्षितवान्।

अतिरिक्ततया, आई.आई.एम्. जम्मू इत्यनेन सह आयोजिते “रङ्ग-तरङ्ग” नाम्नि युव-रंगमञ्च-नृत्य-महोत्सवे २० लघु-नाटकानि तथा ५ नृत्य-प्रस्तुतयः मंचिताः। स्वकीयासु उपलब्धिषु प्रतिक्रिया ददन् पद्मश्री-बलवन्त-ठाकुरः अवदत् यत् वर्षं २०२५ नटरङ्गाय मील-पाषाणवत् सिद्धम्, तथा संस्था आगामिषु वर्षेषु अपि अधिकान् सांस्कृतिक-कीर्तिमानान् स्थापयितुं दृढतया प्रतिबद्धा।

हिन्दुस्थान समाचार / अंशु गुप्ता