Enter your Email Address to subscribe to our newsletters
पश्चिमी सिंहभूमः, 30 दिसंबरमासः (हि.स.)।
भारतीयजनतापक्षस्य (भाजपा) जिल्लाकार्यालये मंगलवासरे अटलस्मृतिसम्मेलनस्य आयोजनं कृतम्। कार्यक्रमस्य अध्यक्षतां जिलाध्यक्षः संजयपाण्डे अकुर्वत। कार्यक्रमे बहुसंख्यकाः कार्यकर्तारः, बुद्धिजीविनः सामाजिकप्रतिनिधयश्च सम्मिलिताः आसन्।
कार्यक्रमे मुख्यवक्ता प्रदेशमाध्यमप्रभारी शिवपूजनपाठक नाम वक्ता अवदत् यत् झारखंड् केवलं भौगोलिकएककं न, अपि तु आदिवास्याः अस्मिता तथा संघर्षस्य परिचयः अस्ति, तस्मै मानं दातुं कार्यं अटलविहारीवाजपेयीमहाभागेन कृतम्। स अवदत् यत् यदि पूर्वप्रधानमन्त्रिणः वाजपेयीमहाभागस्य सरकारः न अभविष्यत्, तर्हि झारखंडराज्यस्य गठनं दीर्घकालं यावत् अपूर्णमेव अवशिष्यत। संथालीभाषायाः संविधानस्य अष्टम्यां अनुसूचौ सम्मिलनं, आदिवासिनां कृते पृथक् जनजात्यधिकरणमन्त्रालयस्य स्थापना, आदिवासिहितेषु नीतिनिर्माणं च—एतानि सर्वाणि वाजपेयीमहाभागस्य प्रतिबद्धतायाः प्रमाणानि सन्ति।
कार्यक्रमसंयोजिका गीता बालमुचू अवदत् यत् वाजपेयीमहाभागस्य नीतयः आदिवासीपरिचयम् आदरम् भविष्यस्य च दिशा अददुः। पूर्वसांसद् गीता कोड़ा अवदत् यत् केवलं भाजपा एव झारखंडं विकासस्य उच्चतां दातुं शक्नोति, यतः झारखंडमुक्तिमोर्चा–काँग्रेससरकारा राज्यं भ्रष्टाचारम् अव्यवस्थां च प्रति न्यवर्तयत्। जिलाध्यक्षः संजयपाण्डे अवदत् यत् झारखंडस्य पहचान स्वाभिमानश्च वाजपेयीमहाभागस्य एव देनाः स्तः, यौ अग्रे सञ्चालितौ भविष्यतः।
कार्यक्रमं अनूपसुल्तानिया, सतीशपुरी, पूर्वविधायकः जवाहरलाल्बानरा च अपि सम्बोधितवन्तः। कार्यक्रमे जिलाध्यक्षः संजयपाण्डे, कार्यक्रमसंयोजिका गीता बालमुचू, उपाध्यक्षः बबलूशर्मा, महामन्त्री प्रतापकटीयर, युवामोर्चाजिलाध्यक्षः चन्द्रमोहनतियू, नगराध्यक्षः राकेशपोददार, अनूपसुल्तानिया, पूर्वजिलाध्यक्षः सतीशपुरी, दुर्गावतीबोयपाई, रूपादास, रोहितरण्जनप्रसाद, मुकेशकुमारलल्लू इत्यादयः बहवः मण्डलाध्यक्षाः पक्षकार्यकर्तारश्च उपस्थिताः आसन्।
---------------
हिन्दुस्थान समाचार