नव-देहली, ३१ दिसम्बरमासः (हि.स.)। प्रधानमन्त्रिणा नरेन्द्र-मोदिनाऽरब्धं प्रमुखं प्रयत्नं— ‘परीक्षा पे चर्चा’ (पीपीसी)—नवीनं कीर्तिमानं स्थापितम्। ३० दिसम्बर २०२५ पर्यन्तं छात्राणां, अभिभावकानां तथा अध्यापकानां त्रयः कोट्यधिकानि पञ्जीकरणानि अभिलेखितानि सन्ति।शिक्षा-मन्त्रालयेन बुधवासरे अत्र प्रकाशिते विज्ञप्तौ उक्तं यत् ‘परीक्षा पे चर्चा’ कार्यक्रमस्य नवमं संस्करणं जनवरी २०२६ मासे आयोज्यते। मन्त्रालयस्य मतानुसारं, पञ्जीकरणानाम् एतादृशी विशाल-संख्या कार्यक्रमस्य वर्धमान-लोकप्रियतां सूचयति, अपि च छात्राणां मानसिक-स्वास्थ्य-संबद्धानां विषयाणां समाधानं कर्तुम् अस्य सफलताम् अपि रेखाङ्कयति। अयं कार्यक्रमः परीक्षासु सकारात्मकं तथा आत्मविश्वासपूर्णं दृष्टिकोणं प्रवर्धयति।मन्त्रालयेन अधिकं स्पष्टीकृतं यत् एतादृशी व्यापक-सहभागितां प्रमाणयति— ‘परीक्षा पे चर्चा’ अधुना एकं सत्यमेव जन-आन्दोलनं जातम्, यत् देशव्यापिविद्यार्थिभिः अध्यापकैश्च सह प्रगाढं सम्बन्धं स्थापयति।‘परीक्षा पे चर्चा’ वर्ष २०२६ कृते ऑनलाइन-पञ्जीकरणं १ दिसम्बर २०२५ तः मायगव-पोर्टलमाध्यमेन आरब्धम्। शिक्षा-मन्त्रालयस्य अधीनस्थेन विद्यालय-शिक्षा-साक्षरता-विभागेन प्रतिवर्षम् आयोज्यमानः अयं कार्यक्रमः कालेन कालेन अध्ययन-संवादयोः बहुप्रतीक्षित: मंच: जातः, यः छात्रान्, अभिभावकान् तथा अध्यापकान् एकस्मिन् मंचे सहभागं कारयति।

हिन्दुस्थान समाचार / अंशु गुप्ता